|
Sherqiy Türkistandin Xewer Uchurlar
1 ) Germaniyede Bei Jing Olimpik Yighinigha Qarshi
Namayih Ötküzüldi
Bügün, yeni, 8 – ayning 4 – küni chüshtin burun, Dunya Uyghur qurultiyi
bilen Germaniyede pa’aliyet elip beriwatqan Tibet teshkilatliri birlikte,
Germaniyening München shehride, olimpik tenherket yighinining 2008 – yili
Beijingda ötküzülishige qarshi keng kölemlik naraziliq namayish uyushturdi.
Uyghur we Tibet namayishchilar aldi bilen chüshtin burun sa’et 11 da München
shehrining merkizi hisaplanghan meryem ana meydigha toplandi.
Qollirigha Shehrqiy Türkistanning ay – yultuzluq kök bayriqini, Xitaygha
qarshi lozunkilarni kötürüshken Uyghur namayishchilarning hemmisi, Dunya
Uyghur Qurultiyi merkizi orgini teripidin mexsus hazirlap tarqitip bérilgen
we Bei jing olimpik yighinigha qarshi simowullar chüshürülgen maykilarni
kiyishken idi.
Bügün shenbe bolghini üchün, Meryem ana meydanigha toplanghan
chetelliklerning sanimu intayin köp bolup, bu qétimqi namayish heqiyqeten
zor siyasi we ijtimayi ünümge érishti.
Namayish jeyanida, Dunya Uyghur Qurultiyi teripidin hazirlanghan we
Kommunist Xitay hakimiyitining Uyghurlargha séliwatqan zulumliri bayan
qilinghan teshwiqat waraqliri etraptiki ammigha tarqitip bérildi.
Meryem ana meydanigha toplanghan Uyghur – Tibet namayihchiliri, bayraqlirini
kötürüshüp, jarangliq sho’ar towlap, bu meydandin, München shehrining yene
bir merkizi hésaplanghan Odeonsplatz meydanigha qarap yürüsh qildi web u
meydangha yétip bérip namayishni dawamlashturdi.
Bu qétimqi namayishning tepsilatini we neqmeydan körünüshlirini < uygur – tv
> din körüng.
2) Ürümchi Saxte Kenishke Jenniti
< Ürümchi kechlik géziti > ning xewer qilishiche, nöwette Ürümchi shehri
saxta kénishke we saxte tamghining jennitige aylanghan bolup, saxte kenishke
we saxte tamghilar bilen adem aldash ehwali omomiy yüzlük hadisige aylanghan.
Bolupmu aldanghanlarning köpünchisi sehraliq déhqanlar iken.
8 – ayning 2 – küni Ürümchi sheherlik qanunni ijra qilish idarisi sheherning
gherbidiki exlet meydanida saxte kénishkilerni köydürüsh murasimi ötküzgen
bolup, éghirliqi 11 tonna kélidighan 630 ming dane saxte kénishkini köydürüp
tashlighan.
Bu saxte kenishkiler 2006 – yilidin 2007 – yili 7 – ayghiche bolghan bir yil
ichide qolgha chüshürülgen.
3) Uyghur Naxsha – Usol Sen’iti Tunis we
Misirliqlarni Heyran Qaldurdi
Chetel metbu’atlirining xewiride körsütülishiche, < Xinjiang naxsha – usol
ömiki > ning talantliq 23 neper artisidin teshkil tapqan bir oyun qoyush
ömiki buyil 7 – ayning 24 – küni Tunisqa yétip kélip, 8 – ayning 1 –
künigiche tunisning bezi sheherliride uyghurlarning en – eniwiy naxsha –
usol we muzika nomurlirini orundap, Tunisliqlarni heyran qaldurghan.
Ularning sen’et nomurini Tunisning yuquri derijilik hökümet emeldarlirimu
körgen.
8 – ayning 2 – küni bu sen’et ömiki Misirgha yeip kelip, Misirning paytexti
Qahire shehride yuquri maharet bilen nomur orundap, Misirliqlaring qelbide
texit qurghan..
|
