Qirghizistan Saqchiliri Teshkilatchi Tursun Islamning Oghlini Tutup Ketti

2007.07.30 Radio Free Asia

Qirghizistan Uyghurliri, Bishkekte, kommunistlarning bu sürettiki namayishigha qarshi namayish élip bardi. KYRGYZSTAN, MANAS : Kyrgyz Communist supporters demonstrate in front of a US military base in Manas, 07 July 2007. AFP PHOTO / VYACHESLAV OSELEDKO

Qirghizistan dairiliri 30‏- Iyul küni Qirghizistandiki Amérika qisimlirini qollap, Bishkektiki Amérika elchixanisi aldida namayish teshkilligen, Bishkek démokratiye we kishilik hoquq teshkilatining reisi we erkin asiya radiosining qirghizistandiki ixtiyari muxbiri Tursun Islamning namayishqa qatnishishining aldini élish üchün, öyining derwazisini sirttin taqash arqiliq uni we ailisidikilerni nezerbent qilghan.

Aldimizdiki aughust éyida Bishkekte ötküzülidighan shangxey hemkarliq teshkilatigha eza dölet bashliqlirining yéghini harpisida Qirghizistandiki Uyghur teshkilati teripidin bundaq bir namayish uyushturulghanliqi Qirghizistan bixeterlik dairilirini alaqzade qiliwetken.

Ular, yerlik hökümet dairiliri teripidin ruxset bérilgen bu namayishning aldini élish üchün barliq tedbirlerni qollan'ghan. Biz weqening yüz bérish jeryanini igilesh üchün Tursun Islam bilen téléfon arqiliq söhbet ötküzduq.

Tursun Islam ependi, Qirghizistan dairilirining bügün etigen uning öyidin chiqishining aldini élish üchün derwazisini sirttin taqap nezerbent qilip qoyghanliqi we weziyetning tereqqiyati toghrisida muxbirimizgha uchur berdi..