Jahangirlik Busughisida Turiwatqan Xitay Armiyesi

Resimde Xitay tajawuzchi armiyesi wetinimiz Sherqiy Türkistanning Turfan sheheridiki wogzalda xudini yoqatqan halda körenglep, ige-chaqisiz, bash-panasiz qalghan Uyghur xelqige heywe körsetmekte

Öz xewirimiz: Xitay hökümiti yéqinqi yillardin béri, Xitay téritoriyside yashawatqan her millet xelqining yilikidin su ichip, xelqining jümlidin Sherqiy Türkistan we Tibetke oxshash rayonlarda yashawatqan Uyghur qatarliq milletlerning maarip, pen-téxnika, medeniyet, sanaet we xelq igiliki ishlirigha meblegh salmay, dunyagha kéngeymichilik qilish qara niyiti bilen herbiy hazirliqlarni kéngeytip, dunya xelqining bixeterlikige éghir tehdit elip kelmekte. Xitaylar yene Sherqiytürkistan we Tibetke oxshash bu mustemlike rayonlargha bolghan igilik hoquqidin waz kéchish u yaqta tursun, eksiche ularni iqtisadiy we maddiy tereplerdin talan-taraj qilip, sünniy shekilde ishsizliq, namratliq we qehetchilik peyda qilip keldi.

Shinxua agéntliqining 2007-yili 7-ayning 20-küni Beijingdin bergen xewirige qarighanda xitayning Sherqiy Türkistan, Tibet, Ichkiy Mungghulllarni bésiwalghan, nöwette yéngi musteqil bolghan Türk jumhuriyetlirini wastiliq shekilde bashqurush hoquqigha érishiwalghan tajawuzchi armiyesi, atalmish Shanghai hemkarliqi teshkilati, dep atalghan yéngi ishghaliyet rayonlirining yerlik herbiy küchliri bilen birge, Sherqiytürkistandin Russiyening Oral taghliq rayonidiki, Chelyabinsky wilayitige qéder bolghan ghayet zor jughrapiylik rayonda ötküzilidighan, dunya tarixida az körülidighan atalmish “ténchliq elchisi 2007” namidiki ghayet chong külemlik herbiy manéwergha qatnishish üchün heywe bilen Sherqiytürkistan téritoriyésige bésip kirdi.

Igiligen melumatqa qarighanda ularning meqsidi ikki bolup, biri: Amérika bashchiliqidiki Shimaliy Atlantik okyan ehdi teshkilatning Xitaygha keltürüsh éhtimali bolghan tehditige qarshi turup, yéngi mustemlike rayonlargha ige bolush, Ikkinchi: Sherqiy Türkistan, Chéchenistan we Jenubiy Ezerbeyjan qatarliq rayonlardiki Türkiy xelqlerning milliy oyghunush herkitige chek qoyup, bu rayonda Amérika we Yawropa ittipaqi bilen hemkarlishidighan siyasiy üchünchi bir küchning shekillinip qélishining aldini élishqa hazirliq qilish iken.

Xewerni hazirlighuchi:Korash Atahan

http://en.ce.cn/National/pic-news/200707/21/t20070721_12251843_1.shtml