Sherqiy Türkistandin Xewer Uchurlar

1 ) Kucharda Uyghur Qizlirini Xitaygha Yötkesh Siyasitige Qarshi Namayish Ötküzüldi

ETIC ning wetendin igelligen deslepki melumatidin qarighanda, yéqinda Aqsunung Kuchar nahiyeside, Xitay hakimiyitining Uyghur qizlirini ichki ölkilerge yötkep ishlitish siyasitige qarshi naraziliq namayishi ötküzülgen.

Nahiye merkizidiki xelq meydanida élip bérilghan bu qetimqi namayishqa, nahiye baziridiki we etraptiki yézilardin kelgen kop sanda Uyghur qatnashqan.
Namayishchilar hökümettin, Uyghur qizlirini Xitaygha yotkepishlitish siyasitini derhal toxtutushni telep qilghan.

Bu qétimqi namayishning yene bir sewebi, Kuchar nahiyeside yéqinqi mezgillerdin buyan Xitay Taksichilar bilen Uyghur Taksichilar otturisida éghir ixtilap yüzbergen bolup, yéqinda 3 neper Uyghur Taxichi nemalum kishiler téripidin wehshilerche öltürülgen, emma Xitay saqchi tarmaqliri bu dilogha sel qarap, qatillarning iz - dérikini sürüshturmigini üchün, Uyghurlar ichide küchlük naraziliq peyda bolghan.

namayish bashlinip qisqa waqit ichidila meydangha kop sanda saqchi we esker yétip kélip namayishchilarni qorshiwalghan we mejburi tarqitiwetken.

Inkaslardin qarighanda weqedin keyin, Aqsu wilayetlik bixeterlik bashqarmisi mexsus weqeni eniqlap chiqish uchun Kuchargha köp sandiki jasuslirini iwetken, bezi Uyghurlar qolgha élinip soal - soraq qilinishqa bashlanghan.

ETIC, bu weqe heqqide yenimu tepsili melumat élishqa tirishmaqta.

2 ) Uyghur Qizlirini Xitaygha Yötkesh Mesilisi Tüpeylidin Qeshqer we Hotende Ikki Neper Kenit Kadiri Öltürülgen

ETIC ning bugun igelligen jiddi melumatidin melum bolushiche, yéqinda Qeshqer we Hotende ikki neper kennit partiye yachikisining sekritari namelum kishiler teripidin olturulgen.

Weqening kélip chiqishigha, bu ikki neper kenit kadirining Uyghur dehqanlirini qizlirini Xitaygha ishleshke iwetishke qistighanliqi we iwetishni ret qilghuchilargha iqtisadi jehettin eghir jaza bergenliki sewepchi bolghan. Bu ikki neper kenit kadirimu Uyghur iken.

ETIC, bu heqte yenimu tepsili melumat élishqa tirishmaqta.

3 ) Shinghada Dehqanlargha Qiz Séliqi

ETIC ning wetendin igellishiche, hazir Sherqiy Turkistanda yengi bir séliq peyda bolghan, bu, qiz séliqi bolup, nahiyélik hökümet Xitaygha iwetilidighan qizlar heqqide yézigha san belgilep béridiken, yéziliq hökümetler herqaysi kenitlerge qizi bar dehqanlargha séliq salidiken.

Mesilen, hazir Aqsunung Toqsu nahiyeside, ichki ölkilerge ishleshke iwetish üchün her bir kenitke 15 neper qiz chiqirip bérish séliqi sélinghan bolup, kenit bashliqliri wezipini orundash uchun öymu - öy timisqilap yurup, qizi bar dehqanlargha bésim ishlitip, qizlirini Xitaygha iwetip bérishke qistashqa bashlighan.

4 ) Uyghur TV Norwégyege Yürüp Ketti

Shiwétsiyedin Serdar xewiri

Bash shitawéy Gérmaniyening München shehridki Sherqiy Türkistan alaqe- uchur mergézining muawin reisi Perhad Muhemmidi Gérmaniyediki Uyghur jamaétining, Dunya Uyghur Qurultiyining salamini élip uchur mergézining reisi Abujélil qaraqashning orunlashturushi boyunche Shiwétsiyege kilip süretke élish ishini bashlap, bir nechche kün ichide kéchini kündüzge ulap ishlep Shiwétsiyede yashawatqan Uyghurlarning weten , milletge bolghan séghinishliq hésyatlirini, yashash muhitini we ularning ish izlirini eks ettüridighan 15 din artuq flm ishlep, Abdujélil Qaraqashning salamini élip bügün Norwégéyening paytexti Oslogha yürüp ketti.

Shiwétsiyediki mezgélide merhum koresh kösenning qewrisige chiqip merhumning rohigha atap qur'an talawet qilghandin bashqa merhumning eng yéqin sepdishi bolghan tonuluwatqan ressam Qeyser Abdursulnimu alahide ziyaret qilip flm ishlep uning ish paaliyetliri eks ettürülgen eserliri sézma resim we may boyaq resimlirimu filmge élindi.