Ismayil Tiliwaldi, Hej Xizmitige we Hiristiyan, Katolik Dinlirigha Qaratqan Bashqurushni Qattiq Kücheytishni Telep Qildi

< Xinjiang geziti > ning xewer qilishiche, < aptonom rayonluq diniy xizmet yighini > 7 – ayning 10 – küni Ürümqide chaqirilghan.

< Aptonom rayon > ning reyisi Ismayil Tiliwaldi yighinda qilghan sözide, her derijilik hökümet tarmaqliridin, hej qilishqa bolghan bashqurushni alahide kücheytishni, hökümetning ruxsitisiz öz aldigha hej qilghuchilargha we ularni teshkilligüchilerge qattiq zerbe bérishni, ünümlük tedbir qollunup, tarqat hej qilishning aldini élishni, yene shundaqla Hiristiyan dini bilen Katolik dinigha bolghan bashqurushnimu qattiq kücheytip, chet'elliklerning dindin paydilinip buzghunchiliq qilishining aldini élishni telep qilghan.

Ismayil Tiliwaldi yene, yéqinqi yillardin buyan Sherqiy Türkistanliqlaning tarqaq hej qilishini tosush xizmitide körünerlik netijige érishkenlikini tekitlep ötken.

Dimisimu kéyinki yillardin buyan Sherqiy Türkistan musulmanliri hej qilishta Xitay hökümitining siyasi, iqtisadi we deplomatiye jehettiki türlük tosalghulirigha duch kelmekte.

Xitay hakimiyiti öz aldighan hej qilish üchün chet'ellerge chiqqan Uyghurlar duch kelgen qiyinchiliqlargha yardem bérish uyaqta tursun, chet'eldiki elchixaniliri aqiliq ularning Hej qilish yollirini tosup, köpligen Uyghurlarning iqtisadi jehettin weyran bolushigha sewepchi bolmaqta..