Sherqiy Türkistandin Xewer Uchurlar  

1) Sherqiy Türkistanda Aldinqi Yérim Yilda 891 Neper Kishi Qatnash Weqeside Öldi

< Tianshan tori > ning 7 – ayning 6 – küni xewer qilishiche, buyil kirgendin buyan Sherqiy Türkistnda qatnash weqelirining sani körünerlik derijide ashqan bolup, bunung ichide yoluchi aptawuzi weqeliri köp salmaqni igelleydiken we 114 qétim yoluchi aptawuz weqesi yüz bergen.

Buyilning alqinqi yeim yilida, yeni 6 ay ichide pütün Sherqiy Türkistan boyiche yüz bergen qatnash weqeliride 891 neper kishi hayatidin ayrilghan.

Yolochi aptawuzi weqesi we bu weqede ölgenler, omomiy qatnash weqelirining 31 pirsentini we ölgenler sanining 49 pirsentini teshkil qilidiken.

2) Tebiy Apet Tüpeylidin, Aqsuning Déhqanchiliq Ishlepchiqirishi Éghir Ziyangha Uchridi

< Aqsu hökümet toi > ning xewer qilishiche, buyilning aldinqi yérim yilida, türlük tebiy apetler tüpeylidin Aqsu wilaiining yeza igilik ishlepchiqirishi éghir ziyangha uchrighan we biwaste iqtisadi ziyan 183 milyon yuange bérip yetken.

Yuqarqi xewerde körsütülishiche, Aqsu wilayitining her qaysi nahiye, yéza we kenitliri oxshimighan derijide möldür, qurghaqchiliq we qiro apetlirige uchrighan bolup, apetke uchrighan ziraet kölümi 181 ming modin köpirekke, miwilik bagh kölümi 75 ming modin köpirekke, orman kölümi 22 ming 240 mogha yetken.
64 ming tuyaqqa yéqin charwa – mal apette ölüp ketken.

3) Turpanning Üzümi Baldur Pishti

< Turpan hökümet tori >ning xewer qilishiche, buyil Turpanning üzümi ötken yildikige qarighanda baldur pishqan we yéqinqi künlerdin buyan türkümlep bazargha selnishqa bashlanghan.

Turpanning buyilqi üzümlük bagh kölümi 450 ming mogha yetken bolup, üzümlerning türi 300 xildin ashidu. Turpanning üzümi dunyagha dangliq bolup, qen miqdari yuquri, posti nepiz we nahayiti suluq !

Üzüm pishqandin buyan dhqanlar baghliridiki üzümlerni poyez istansisi we türlük sayahet nuxtilirigha apirip sétishqa bashlidi.

4) Ürümqi Ahalisining Bir Ayliq Istimal Chiqimi, Jenoptiki Uyghur Dehqanlirining 6 Ayliq Kirimidin Eship Ketti

Sherqiy Türkistanda chong sheher bilen Yezilar otturisidiki iqtisadi periq kishini chöchütidighan derijide zoraymaqta.

Mesilen, < Xiniang géziti > ning 7 – ayning 6 – küni xewer qilishiche, buyil 6 – ayda Ürümqi ahalisining kishi beshigha toghra kélidighan ayliq kirimi ottura hésap bilen 865 yuandin köpirekke yétip, ötken yilning oxshash mezgilidikidin 12 % ge yéqin ashqan, bir ay ichide her bir kishining istimal buyumlirigha serip qilghan chiqimi 571 yuandin köpirekke yétip, ötken yilning oxshash mezgilidikidin 13% pirsendin köpirek ashqan.

Sherqiy Türkistaning jenobi rayonliridiki Uyghur déhqanlirining nöwettik kishi beshigha toghra kélidighan yilliq sap kirimi aran 1000 yuan etrapida bolup, Ürümqi ahalisining bir ayda xejligen puli, Uyghur dehqanlirining 6 ayliq sap kirimigha toghra kélidu. .