Qeshqerning Maralbéshi Nahiyeside Siyasi Töhmet Bilen Qolghan Élinghan Uyghurlar we Ularning Aqibiti Heqqide

Öz xewirimiz: Xitay hakimiyiti 2001 – yili 1 – aydin éribaren Qeshqerning Maralbéshi nahiyeside Uyghur diniy zatlargha qarita omomiy yüzlük tazilash herikiti élip bérip, kichigidin diniy telim alghan we normal diniy pa’aliyetler bilen shughullanghan 300 ge yeqin bigunah Uyghur yashlirini qolgha élip türmilerge tashlighan idi.

Xitay hökümiti bu yashlarni sotlash jeryanida ularning atalmish < jinayetliri > heqqide hech bir délil – ispat tapalmighachqa, ularni yoq yerdin, < Islam qérindashlar teshkilati >, < Sherqiy Türkistan azatliq partiyesi >, < Islam allah partiyesi > digendek teshkilatlargha chérip türlük eghir jazalargha höküm qilghan idi, emiliyette bolsa bu yashlar hökümetke qarshi hech bir herikette bolmighan, peqetla diniy ériqadining küchlük bolushi sewebidinla qolgha élinghan idi.

< Sherqiy Türkistan Informatsiyon merkizi >, weten ichide etirapliq tekshürüsh élip bérish arqiliq, 2001 – yilidiki yuqarqi herikette qolgha élinghan bir türküm yashlarning isimlirini we ularning aqiwitini eniqlap chiqti, ularning bir qismi töwendikiche:

1. Rahman Turaq, 36 yash, Maralbéshi nahiyesining Sériqbuya yézisi 4 – kentidin, 2001 – yili qolgha élinip, < eksil inqilawiy teshkilatqa eza bolghan > digen töhmet bilen 15 yilliq qamaq jazasigha höküm qilinghan we Sanji türmisige qamalghan, 2003 – yili türme saqchiliri teripidin, < türmide qanunsiz namaz oqudung > dep éghir ten jazasigha tartilip, qiynash jeryanida neqmeydanda ölgen.

2. Mahmut Hamut, 36 yash, Maralbéshi nahiyesining Alagir yézisidin, 2001 – yili qolgha élinip, < Sherqiy Türkistan azatliq partiyesini qurghan we eza qobul qilip, bayraq yasap eksiyetchil teshwiqat élip barghan > digen töhmet bilen 15 yilliq qamaq jazasigha höküm qilinghan, hazirghiche ata – anisi bilen körüshtürmigen, qaysi türmide ikenliki namelum.

3. Qasim Ubul, 28 yash, Maralbéshi nahiyesining Alagir yézisidin, < Sherqiy Türkistan azatliq partiyesining aktip egeshküchisi > digen töhmet bilen muddetsiz qamaq jazasigha höküm qilinghan, qamaqqa höküm qilinghandin buyan hech bir iz – dériki yoq.

4. Memtimin Qasim, Maralbéshi nahiyesining Alagir yézisidin, < Sherqiy Türkistan azatliq partiyesining aktip egeshküchisi > digen töhmet bilen muddetsiz qamaq jazasigha höküm qilinghan, qamaqqa höküm qilinghandin buyan hech bir iz – dériki yoq.

5. Abdishükür Ablet, 22 yash, Maralbéshi nahiyesining Alagir yézisidin, < Sherqiy Türkistan azatliq partiyesining aktip egeshküchisi > digen töhmet bilen 8 yilliq qamaq jazasigha höküm qilinghan, qamaqqa höküm qilinghandin buyan hech bir iz – dériki yoq.

6. Yaqup Ghujam Niyaz, 30 yash, Maralbéshining Sériqbuya yézisidin, < Sherqiy Türkistan azatliq partiyesining aktip egeshküchisi > digen töhmet bilen 11 yilliq qamaq jazasigha höküm qilinghan, qamaqqa höküm qilinghandin buyan hech bir iz – dériki yoq.

7. Nurmemet Qari, 40 yash, Maralbéshi nahiyesining Sériq buya baziridin, < Sherqiy Türkistan azatliq partiyesining aktip egeshküchisi > digen töhmet bilen muddetsiz qamaq jazasigha höküm qilinghan, qamaqqa höküm qilinghandin buyan hech bir iz – dériki yoq.

8. Alim Ibrahim, 30 yash, Maralbéshi nahiyesining Alagir yézisi 13 – kentidin, < qoral yasash, jemiyette wehime peyda qilish, döwletni parchilashqa urunush jinayiti ötküzgen > digen töhmet bilen 15 yilliq qamaq jazasigha höküm qilinghan.

9. Eli Ibrahim ( Alim Ibrahimning inisi ), 26 yash, Maralbéshi nahiyesining Alagir yézisi 13 – kentidin, < bölgünchilik jinayiti > bilen eyiplinip ölüm jazasi bérilip érip öltürülgen.

10. Eli Ubul, 28 yash, Maralbéshi nahiyesining Sériqbuya baziridin, < Islam qérindashlar jemiyitining gholluq ezasi > digen töhmet bilen qolgha élinip 15 yilliq qamaq jazasigha höküm qilinghan, hazir Ürümqi türmiside.

11. Eli Murseliyin, özbek, 27 yash, Maralbéshi nahiyesining Sériqbuya baziridin, < Islam qérindashlar jemiyitining gholluq ezasi > digen töhmet bilen qolgha élinip 15 yilliq qamaq jazasigha höküm qilinghan, hazir Ürümqi türmiside.

12. Rahman Tursun, 29 yash, Maralbéshi nahiyesidin, < Islam qérindashlar jemiyitining gholluq ezasi > digen töhmet bilen qolgha élinip 8 yilliq qamaq jazasigha höküm qilinghan, hazir Ürümqi türmiside.

13. Abbas Qari, Maralbéshi nahiyesining Aqsaqmaral yézisi Jigde köl kentidin, < Islam qérindashlar jemiyitining gholluq ezasi > digen töhmet bilen qolgha élinip muddetsiz qamaq jazasigha höküm qilinghan, hazirghiche iz – dériki yoq.

14. Ablet Abdusemet, Maralbéshi nahiyesining Aqsaqmaral yézisi Jigde köl kentidin, < Islam qérindashlar jemiyitining gholluq ezasi > digen töhmet bilen qolgha élinip muddetsiz qamaq jazasigha höküm qilinghan, hazirghiche iz – dériki yoq.

15. Abdurehim Abdurahman, , Maralbéshi nahiyesining Aqsaqmaral yézisi Jigde köl kentidin, < milliy bölgünchili jinayiti ötküzdi > digen töhmet bilen ölüm jazasigha höküm qilinip érip öltürülgen.

16. Abdu Pattar, Maralbéshi nahiyesining Sériqbuya baziridin, < Islam qérindashlar jemiyitining gholluq ezasi > digen töhmet bilen qolgha élinip 15 yilliq qamaq jazasigha höküm qilinghan, hazir Qarasheher türmiside..