|
Qorchaq Reyis Ismayil Tiliwaldi, Xitayning Ichki Ölkiliridiki < Xinjiang
Toluq Ottura Sinipliri > ni Közdin Kéchürdi
< Xinjiang géziti > ning 6 – ayning 26 – küni xewer qilishiche, < aptonom
rayon > ning reyisi Ismayil Tiliwaldi bashchiliqidiki partiye – hökümet
wekiller ömiki, 6 – ayning 13 – künidin 24 – künigiche Xitayning sherqi
shimaldiki 3 ölkisi we Hebei ölkilirini ziyaret qilish jeryanida, bu
ölkilerdiki Xitay ottura mektepliride Sherqiy Türkistanliq uyghur
oqughuchilar üchün tesis qilinghan atalmish < Xinjiang toluq ottura
sinipliri > ni közdin kéchürgen.
Ismayil Tiliwaldi, bu ölkilerdiki mekteplerde oquwatqan uyghur
oqughuchilargha qilghan sözide, ulardin, kompartiyening özlirige qilghan bu
< shepqiti > ni untup qalmasliqni telep qilghan we ularni, kompartiyeni,
sosiyalizimni söyüshke chaqirghan.
Emiliyette bolsa Xitay hakimiyitining Uyghur ösmürlirini Xitaydiki ottura
mekteplérge yötkep oqutushni yolgha qoyushtiki tüp meqsidi, Uyghur xelqini
atsimilatsiye qilip yoqutush qedimini tézlitishtin ibaret idi.
Yuqarqi xewerde körsütilishiche, 2000 – yilidin buyan Xitaydiki 25 sheherde
35 < Xinjiang toluq ottura sinipi > qurulghan bolup, hazirghiche Sherqiy
Türkistandin 10 mingdin artuq uyghur ösmür yötkep kélingen. Unung üstide bu
oqughuchilarning hémmisi digüdek Sherqiy Türkistanning jenobi rayonliridiki
namrat déhqanlarning perzentliridin ibaret.
|
