Xitay Hökümiti, Ichki Ölkilerde Ishlewatqan Uyghur Qizliri Üchün Mexsus < Ittipaq Yachikisi > Qurushqa Bashlidi

Xitay hakimiyiti, Sherqiy Türkistandin Xitayning ichki ölkilirige mejburi ishleshke iwetilgen Uyghur déhqan qizlirigha bolghan siyasi nazaretni kücheytish meqsidide, ulargha qanun xadimliri we hökümet emeldarlirini qoshup iwetish usolini qollanghan bolsa, emdilikte ular arisida atalmish < ittipaq yachikisi > digen nersini qurup, qizlarni mejburi bu < yachika > largha eza qildurup, ulargha qaratqan siyasi besimni ashurup kelmekte.

Mesilen, < Xinjiang iqtisat géziti > ning 6 – ayning 21 – küni xewer qilishiche, Tianjindiki < Lanqi hessidarliq shirkiti > de Qeshqer konasheher nahiyesidin élip kélingen 230 neper Uyghur déhqan qizi bolup, ulargha Sherqiy Türkistandiki yerlik hökümetler 4 neper kadirni nazaret qilishqa qoshup iwetken, emma Qeshqer konasheher nahiyélik partikom, bu qizlargha bolghan bashqurushni yenimu kücheytish we ularning < siyasi éngi > ni ashurush meqsidide, nahiyélik < ittipaq komutéti > ning sékritari Yüsüpjan Turghunni Tianjinge iwetip, qizlar arisida mexsus < ittipaq yachikisi > qurup chiqqan we buyerde ishlewatqan Ayimgül Qadir isimlik qizni waqitliq < yachika sékritari > qilip békitken.

Bu < yachika > qarmighida ikki tarmaq < yachika > sekritari, teshwiqat ezasi we 4 neper guruppa bashliqi bolup, bular mexsusla Qeshqer konasheher nahiyesidin élip kélingen 230 neper Uyghur qizini bashqurushqa mesul iken.
.