Rabiye Xanimning Terjimihali: "Kök Qehridiki Boran - Chapqun" ning Neshirdin Chiqish Murasimi Ötküzüldi 

RFA xewiri: D U Q reisi, Uyghur milliy herikitining rehbiri rabiye qadir xanimning hayat sergüzeshtiliri ekis ettürülgen "kök qehridiki boran - chapqun" namliq terjimihal xaraktérlik eserning némische nusxisi resmiy neshridin chiqti.

Gérmaniye yazghuchisi Aléksandra xanimning qelimi bilen dunyagha kelgen bu eserning qoshumche mawzusi "Xitayning 1 - nomurluq düshmini" dégendin ibaret bolup, eserning neshridin chiqish murasimi 6 - ayning 19 - Küni gérmaniye paytexti bérlinda daghdughiliq ötküzülgen idi. Bu murasimgha D U Q rehberliridin rabiye qadir xanim, Dolqun Eysa ependi we Ablikim Idris ependiler hem Berlinda yashawatqan Uyghurlar ishtirak qilghandin sirt, eser aptori aléksandra xanim, gérmaniye parlaméntining rehberliri, bérlin shehirining mesulliri , Berlin shehiridiki edebiyat - Senetchiler, hénéy neshriyatining rehberliri, kishilik hoquq teshkilatlirining rehberliri, meshhur siyasetchiler we gézit - jurnal muxbirliridin bolup yüzdin artuq kishi qatnashti.

6 - ayning 20 - küni myunxén shehiridiki edebiyatchilar sariyida mezkur eserning neshridin chiqishi munasiwiti bilen ikkinchi qétim heywetlik murasim ötküzüldi. Bu murasimgha rabiye qadir xanim yétekchilikidiki D U Q rehberliri we ezaliridin sirt, myunxén shehride yashawatqan yüzligen Uyghurlar milliyche kiyimliri bilen kélip qatnashti. Murasimgha mezkur eserni neshir qilghan meshhur hénéy neshriyati, myunxén edebiyatchilar birleshmisi we D U Q birlikte sahibxanliq qildi. Münchenda ötküzülgen bu murasimgha bawariye parlaméntining millet wekilliri, yéshillar partiyisining rehberliri, meshhur edibler, senetkarlar we muxbirlardin bolup 200 ge yéqin kishi qatnashti.

6 - ayning 22 - küni rabiye qadir xanim bashchiliqidiki D U Q rehberliri we aptor aléksandra xanimning qatnishishi bilen shiwétsariyining paytexti bérn shehride yene bir qétim daghdughiliq murasim ötküzülmekchi.( Ekrem).