Nur Bekri, < Qosh Tilliq Oqutush > ni Qilche Tewrenmey Omomlashturushni Telep Qildi

< Xinjiang géziti > ning xewer qilishiche, < aptonom rayonluq partikom > ning mu’awin sekritari Nur Bekri, 6 – ayning 20 – küni Ürümqide chaqirilghan < aptonom rayonluq milliy til – yeziq xizmet komutetliri mudirliri yighini > da qilghan sözide, Xitay hakimiyitining Uyghurlarning milliy ma’aripini Xitaylashturush meqsidide elip beriwatqan atalmish < qosh tilliq oqutush > siyasitini maxtap kökke kötergen, shundaqla her derijilik partikom we hökümetlerdin, < qosh tilliq oqutush > ni qilche tewrenmey omomlashturushni telep qilghan.
Nur Bekrining bayan qilishiche, < qosh tilliq oqutush > ni omomlashturush bolsa özlirining tarix burchimish !

Yuqarqi xewerde bayan qilinihiche, Sherqiy Türkistanda < qosh tilliq oqutush > yolgha qoyulghan 3 yildin buyan, unung omomlishish süriti intayin tez bolghan, hazir Sherqiy Türkistan boyiche milliy ottura – bashlanghuch mektepler ichide < qosh tilliq oqutush > ni yolgha qoyuwatqan siniplarning sani 5000 gha, bu siniplarda oquwatqan oqughuchilarning sani 1500 minggha yeqinliship qalghan.

2000 – yilidin etibaren Xitayning ichki ölkiliride tesis qilinghan atalmish < Xinjiang toluq ottura sinipliri > gha her yili iwetiliwatqan oqughuchilarning sani 5000 gha yetküzülgen.