„Kök Qehridiki Boran Chapqun“ning Neshirdin Chiqish Murasimi Dawamlashmaqta

DUQ reisi, Uyghur milliy herikitining rehbiri Rabiye Qadir xanimning Hayat sergüzeshtiliri ekis ettürülgen „Die Himmels stürmerin“ yeni „Kök qehridiki Boran – chapqun“ namliq terjimihal xaraktérlik eserning Gérmanche nusxisining resmi neshirdin chiqish munasiwiti bilen ötküzilwatqan murasimler dawam qilmaqta. Gérmaniye yazghuchisi Alexandra xanimning qelimi bilen dunyagha kelgen bu eserning qoshumche mawzusi „Xitayning 1 – nomurluq düshmini“ dégendin ibaret bolup, eserning neshirdin chiqish murasimi 6 – ayning 19 – küni Gérmaniye paytexti Bérlinda dagh- dughuluq ötküzülgen idi.

6 – ayning 20 – küni Münchenda, Heney neshiryati, edibiyatchilar Sariyi we Dunya Uyghur Qurultiyining sahipxanliq qilishi bilen München edebiyatchilar sariyida mezkur eserni teqdim qilish murasim ötküzüldi. Bu murasimgha Rabiye Qadir xanim yitekchilikidiki Dunya Uyghur Qurultiyi rehberliri we ezaliridin sirt, München shehride yashawatqan yüzligen Uyghurlar Milliyche kiyimliri bilen kélip qatnashti. Münchenda ötküzülgen bu murasimgha Bawariye Parlaméntining millet wekilliri, Yéshillar partiyisining rehberliri, meshhur edipler, sen`etkarlar we her sahe muxpirlardin bolup 800 din artuq kishi qatnashti.

Bügünki yighinning muqeddimiside, kishlik hoquq teshkilatlirining mes`ulliri Sherqiy Türkistanda dawam qiliwatqan Xitay zulmidin tepsili melumatlar berdi. Andin Hénéy Neshriyati „Kök qehridiki Boran chapqun“ namliq eserning asasi mezmunini yighin ehlining diqqitige sundi we eserdin üzündiler teqdim qildi.

Soal _ jawap basglanghanda, Rabiye Qadir xanimning Sherqiy Türkistandiki Xitay zulmigha ait bayanliri Yighin ehlini heyranu – hés qaldurdi. Kishiler toxtimay bash chayqiship, „bügünki dunyada bu qedermu éghir xarliq ichide yashawatqan millet bar iken, biz Xitayning tereqqiyatini heqqidila anglap, u yerde dawam qiliwatqan mislisiz éghir zulumlardin bixewer yashaptuq. Bolupmu bizge namelum bolghan musulman Uyghurlarning tartiwatqan zulumlirigha süküt qilip turghili bolmaydu“ déyishti. Rabiye Qadir xanim Xitay hökümétining étnik qirghinchiliqi, Uyghur millitini assimilatsiye qilip tügütish yolida qolliniwatqan hile – neyrengliri we dehshetlik basturush siyasetliri heqqide tepsili melumat bérish bilen birge, Uyghurlarning chet`ellerge sersan – sergerdan bolup chiqip kétishige sewep bolghan zulumlar heqqide toxtulup, Soal sorughuchilarni hang - tang qaldurdi.

Ajayip zor qiziqish we alqish sadaliri ichide dawam qilghan bu yighinda, Xitay hökümétining Uyghur milliy herikitige qarita élip bériwatqan süyqestlik heriketliri tilgha élinip, Bawariye yèshillar partiyisining mes`uli Margérita Bause xanim, Uyghur wetinidila emes, Gérmaniyidek Démokratik bir dölettimu Xitay jasuslirining Uyghur milliy herikitige qarita töhmetxorluq we ziyankeshlik qiliwatqanliqini emeliy pakitlar bilen otturigha qoyup, Yighin ehlining Uyghurlargha bolghan hésdashliqini we Rabiye qadir xanimgha bolghan hörmitini téximu yuqiri pellige chiqardi.

Rabiye Qadir xanimdin soal sorash axirlashqandin kéyin, yüzligen kishi „Kök Qehridiki Boran - chapqun namliq eserni bes – beste sétiwélip, Rabiye qadir xanimgha we Eser aptori Alexsandira xanimgha imza atquzushti.

6 – ayning 22 – küni Rabiye Qadir xanim bashchiliqidiki Dunya Uyghur Qurultiyi rehberliri we Aptor Alexandra xanimning qatnishishi bilen Shwétsariyining paytexti Bérn shehride yene bir qétim dagh-dughuluq murasim ötküzilidu.

Dunya Uyghur Qurultiyi Neshriyat - Teshwiqat Merkizi