|
Uyghur Déhqanlirining Köpünchisining Gösh Yéyish
Imkaniyiti Yoq
< Xinjiang géziti > ning 6 – ayning 20 – küni xewer qilishiche, Qeshqer
Yengisheher nahiyélık partikomning sekritari Guojianming, mezkur gézitning
muxpirining ziyaritini qobul qilghanda, namratliq tüpeylidin, bu nahiyediki
déhqanlarning köpünchisining hemishe gösh yiyelmeydighanliqini, heptide
birer qétim bazargha kirip anche – munche kawap yewalsa, bunung ular üchün
nahayiti chong ish ikenlikini bayan qilghan we, < eger muqimliqni saqlaymen
diseng, aldi bilen iqtisatni tereqqi qildurushung lazim > dep körsetken.
Guojianmingning bayan qilishiche, nöwette Qeshqer Yengisheher nahiyeside hér
bir emgek küchige peqetla 2 mo’din terilghu yer toghra kélıdiken, su qis
bolghini üchün, bozyer échish imkaniyiti yoq iken. nahiyediki déhqanlarning
hemmisi tériqchiliq bilen jan baqqachqa, ularning iqtisadi jehettin tereqqi
qilishi nahayiti qiyin iken. Shunga, nahiyélık partikom Uyghur déhqanlirini
bashqa yurtlargha yüzlendürüshni mohim xizmet nishani qilghan.
Buyil 5 – aygha qeder nahiye boyiche 1400 din artuq Uyghur déhqan Wang
Lequanning yurti Sahndong ölkisige ishlemchilikke iwetilgen.
Nahiyediki déhqanlarning Xitaychini bilmigenliki, hökümetning yuqarqi
siyasitige zor tosalghu bolghini üchün, nahiye boyiche Xitayche ögünüsh
seperwerliki élıp bérilghan.
Hazirgha qeder nahiye boyiche < qosh tilliq yesli > dep atalghan Xitayche
yeslilerdin 80 ni qurulup, nahiye boyiche mektep yéshidiki balilarning 42.7
pirsenti bu Xitayche yeslilerge orunlashturulup, Xitayche ögünüshke
bashlighan.
Yash déhqanlar üchünmu mexsus Xitayche kurslar échilghan, anche – munche
Xitayche ögüniwalghanlar udulluq Xitaygha ishlemchilikke yolgha sélınidiken.
Guojianmingning éytishiche, nahiyediki déhqanlar bazargha bérishqa heris
iken, gerche puli bolmisimu, emma iptidayi shekildiki towar almashturush
usuli boyiche öyidiki nersilerni apirip özige kéreklik nersilerge
tegishidiken. .
|
