Kelpin Nahiyeside Balisini Mektepke Iwetmigen 29 Ayilige Sot Mehkimisi Jaza Höküm Qildi

< Tianshan tori > ning 6 – ayning 18 – küni xewer qilishiche, buyil 5 – ay kirgendin buyan, Aqsuning Kelpin nahiyesige qarashliq herqaysi yezilardiki 29 Uyghur dehqan ayilisige nahiyélik sot mehkimisi teripidin, < balilirini mektepke iwetmigen > digen sewep bilen jaza höküm qilinghan.

Yuqarqi xewerde körsütülishiche, balilarning ata – aniliri, < ballirimizni oqutsaqmu beri – bir istiqbali bolmaydiken, shunga ishligini yaxshi > dep mekteptin toxtutuwélip dehqanchiliqqa salghanmish.

6 – ayning 8 – küni sot mehkimiliri adem iwetip, balilirini mektepke iwetmigen ayililerning öyige berip ularning balilirini mejburi mektepke élip kelgen.

Kelpin nahiyesi Sherqiy Türkistan boyiche eng kichik we eng namrat nahiyelerning biri bolup, mektep chiqimining yuquri bolushi tüpeylidin köpligen namrat dehqanlar oqush chiqimigha berdashliq berelmey, perzentlirini mekteptin toxtutuwélishqa mejbur bolidu, emma Sherqiy Türkistanda 9 yilliq mejburi ma’arip tüzümi yolgha qoyulghachqa, perzentlirini oqutalmay qalghan namrat dehqanlar, < Xitay xelq jumhuriyitining qoramigha yetmigenlerni qoghdash qanuni > ning munasiwetlik belgilirimige asasen iqtisadi jehettin éghir jerimane qoyulup kelmekte.