|
Xitay Tashqi Ishlar Ministirliki Bayanatchisi, < Tibet Mesilisi Kishilik
Hoqoq Mesilisi emes, Belki Bölgünchilik Mesilisi > dep Körsetti
Dalay Lama bashchiliqidiki Tibetlikler Xelqara siyasi sehnilerde Xitaygha
qarshi telebbuzini yumshutup, < yüksek aptonomiye > dep towlighansiri, Xitay
hakimiyitining poqi qétip, Tibetliklerge qaratqan siyasi we deplomatik
hujumi shunche küchüyüshke bashlidi.
Mesilen, < Xinjiang géziti > ning xewer qilishiche, 6 – ayning 12 – küni
Xitay tashqi ishlar ministirliki bayanatchisi Qingang, Beijingda
chaqirilghan muxpirlarni kütiwélish yighinida, chetel muxpirlirining Dalay
Lamaning bu qétimqi Awustiraliye ziyariti munasiwiti bilen sorighan
so’aligha jawap bérip, < Tibet mesilisi hergizmu kishilik hoqoq mesilisi
emes, belki bölgünchilik bilen, bölgünchilikke qarshi turush mesilisidin
ibaret. Shunga biz, Awustiraliye hökümitining bu nuxtini yax’shi tonup yétip,
Dalay Lamaning bölgünchilik heriketliri üchün qolayliq yaritip bermeslikini
ümit qilimiz > dep körsetken.
Qingang yene, < Dalay Lama diniy zat emes, belki uzun muddet chetelde
sergerdan bolup yürüp, wetenni bölüsh, milletler ittipaqliqigha
buzghunchiliq qilip kéliwatqan bir siyasi sergerdandin ibaret, shunga
Hökümitimiz herqandaq döwletlerning hökümetlirining öz tupraqlirida Dalay
Lamaning bölgünchilik pa’aliyetliri bilen shughullinishigha yol qoyushigha
qet’i qarshi turimiz > dep tekitligen.
Emiliyette bolsa Dalay Lama bu qétimqi Awustiraliye ziyariti jeryanida,
özlirining musteqilliq emes, belki heqiyqi aptonomiye telep qiliwatqanliqini,
Xitay hökümiti bilen diyalog élip bérishni umid qilidighanliqini bildürgen
idi..
|
