Qirghizistan Hökümiti Uyghur Tijaretchilerning Séliqini Üzlüksiz Ashurmaqta

ETIC ning biwaste igellishiche, nöwette Qirghizistnda Xitay pasaporti bilen tijaret qiliwatanlarning omomiy sani 14 minggha yéqin bolup, bularning mutleq köp qismi Xitay.

Ötkenge Qirghizistan parlamenti, bu döwlettiki Xitay gerejdani sodigerlerning sanini 4000 gha chüshürüsh heqqide qarar maqullighan bolsimu, emma, aldimizda Bishkekte chaqirilidighan < Shanghai hemkarliq teshkilati > yighinini közde tutup, bu qanunni waqtinche ijra qilmighan idi.

Emma Qirghizistan hökümiti yéqinqi yillardin buyan Sherqiy Türkistandin kelgen Uyghur tijaretchilerge qaratqan nazaretchilikni kücheytip, ulargha salghan séliqlarni üzlüksiz ashurushqa bashlighan.

Mesilen, ilgiri Qirghizistan hökümiti Uyghur tijaretchilerdin yilda kishi béshigha 500 sum qirghiz puli tijaret qilish heqqi alghan bolsa, ötken yili buni 400 dollargha chiqarghan. Buyil kirishi bilenla burunqi tüzümni bikar qilip, her bir uyghur sodigerdin 1000 dollar < ishlesh karti bedili > töleshni telep qilghan. Buni töleshke ajizliq qilghan Uyghur tijaretchilerni bazarmu – bazar axturup tutup, eghir jérimanilar qoyushqa bashlighan yaki pasaportlirini tartiwalghan.

Undin bashqa yene Uyghur tijaretchilerge öy kiralighan yerliklermu kira heqqini bolushigha ashurushqa bashlighan bolup, texi bir yil burun 1 – 2 eghizliq öylerning ayliq kirasi 150 dollar bolghan bolsa, hazir eng az 200 – 250 dollargha chiqqan.

Yene ETIC ning Bishkektin igellihiche, yéqinda Bishkek shehride 33 yashliq bir Uyghur sodiger namelum kishiler teripidin etip öltürülgen bolup, u eslide Qirhizistanda tughuluq ösken iken. Bezi xewerlerdin melum bolushiche, bu Uyghur sodiger yerlik Mafialar teripidin öltürülgen.
..