Xitay Hakimiyitining Chetke Qéqish Siyasiti, 4 Gizek Tughqan Aminemni Tilemchige Aylandurup Qoydi

Bügün, demokratik ellerde köp gizek tuqqan ayallar hökümet tarmaqlirining etibar bérish siyasitige ériship, dawalinish, olturaq öy we iqtisadi hem ijtimayi parawanliq jehetlerde alahide imtiyazlardin behriman bolup kelmekte,

Epsuski, Sherqiy Türkistanda 4 gizek tughqan Aminem isimlik ayalning béshigha kelgen külpetler, Uyghur ana – balilirining yürekni azaplaydighan echinishliq halitini namayen qilip turmaqta.

Buyilning béshida biraqla 4 gizek tughqan Aminem isimlik Uyghur ayal, hökümet tarmaqlirining perwasizlqi, siyai we iqtisadi jehettin chetke qéqishi tüpeylidin, ayilisi boyich yürt – makanini tashlap, Ürümqining kochilirida tilemchilik qilishqa mejur bolghan.

< Tianshan tori > ning 6 – ayning 11 – küni xewer qilishiche, Qarghiliq nahiyesining Xan’ériq baziridiki Mettursun Musaning ayali 28 yashliq Amine Ablet, Allahning berikiti bilen Qurban heytning 2 – küni biraqla 4 gizek tuqqan, emma unung a'ilisidikiler hökümetning, < pilandin sirt perzent kördüng > dep ésiliwélip jazalishidin qorqup, bu xewerni 75 kün yoshurushqa mejbur bolghan.

Epsuski aridin 75 kün ötkendin kéyin, Mettursunning xoshniliri unung öyidin bir top balining yigha awazini anglap heyran qélishqan we bu ixtin xewer tepip, bu xewerni sirtqa yéyiwetken.

Xitay hökümitining Uyghurlarning neslini qurutushni meqset qilghan < pilanliq tughut > siyasiti rehimsizlerche ijra qiliniwatqan, hetta Uyghur déhqanlirinimu peqetla bir perzent körüshke qistawatqan shu künlerde Aminening biraqla 4 gizek tuqqanliq xewiri eyni chaghda pütün Qaghiliq xelqini söyündürgen idi.

Emma, Aminemning ayilsi nahayiti namrat bolup, yoldishi otun terip satidiken, özi ishsiz bolup, qeyna atisi, qeyna anisi we bashqa tuqqanliri bolup jemi 16 jan bir öyde yashaydiken.
Hökümet tereptin hech qandaq yardem bermigini üchün, Aminemning ayilisidikiler hetta bowaqlargha süt alidighan pulmu yoq bir ehwalgha chüshüp qalghan. Bowaqlar chong bolghansiri ularning iqtisadi qiyinchiliqimu shunche éship barghan we öz makanida hayat kechürelmeydighan bir halgha chüshüp qalghan.

Shunung bilen er – xotun meslihetliship, 4 balisini élip Ürümqi tereplerge bérip tirikchilik yolini izdesh qararigha kelgen we er – ayal ikkidin balini quchaqlap, 6 – ayning 5 – küni kechte poyez bilen Ürümqige yetip kelgen.

Mehanxanida yatidighan puli yaki buyerde tonush – bilish, uruq – tuqquni bolmighini üchün, ular 4 balisi bilen kochida qalghan. ötken – kechkenler ulargha ich aghritip pul – püchek sediqe qilghan, ularning 4 gizek balisi bilen tilemchilik qiliwatqanliqini körgen Ürümqilik ikki hede – singil, bularni öyige apirip qondurup qalghan.

Etisi Aminemning yoldishi Mettursun, yurtida qalghan dadisining sekratqa chüshüp qalghanliq xewirini anglap, na’ilaj aminem bilen 4 balisini Ürümqige tashlap qoyup, < ikki ünde kélimen > dep Qaghiliqqa ketip qalghan. 4 balisi bilen yalghuz qalghan Aminem, Ürümqi kochilirida aylinip yürüp sediqe tileshke mejbur bolghan.

Aminem, özini ziyaret qilghan < tianshan tori > ning muxpirigha, < hazir hawa anche soghuq emes, talada yürsemmu boliwéridu, Ikki kündin kéyin ballaning dadisi kélidu, gerche kilechigim qarangghu körünsimu, emma ballirim üchün bolsimu buyerde qélip, pul tepip balilirimni ali mekteplerde oqutimen, yurtumgha qaytqum yoq, ballirimmu bizge oxshash künge qalmisun > dep jawap bergen.

< Tianshan tori > ning yuqarqi xewiride, 6 – ayning 7 – küni Aminemning 4 balisi bilen Ürümqi sheherlik 12 – ottura mektepning aldida turghanliqi, köpligen kishilerning heyranliq bilen ularni oruwalghanliqi we bezilerning ulargha 10 we 20 koydin pul tashlawatanliqi bayan qilinghan.
Gerche Aminemning öz makanidin ayrilip tilemchilik qilishqa mejbur bolushigha, Xitay hakimiyitining adaletsiz we gheyri insani siyasitining sewepchi bolghanliqidin ibaret bu heqiyqet eniq körünüp tursimu, emma Xitay metbu’atliri Aminemning bu echinishliq teqdirini, unung köp bala tuqanliqigha baghlap tetür teshwiq qilip kelmekte. .