|
Shiwetsiyede Keng Kölemlik Namayish Élip Bérildi
2007- 6 – 9 - küni Shiwetsiyening Paytexti Stockholm shehride, Shiwetsiye
Uyghur Kommutétining orunlashturushi bilen, Xitay Reisi Hu Jin Taogha qarshi
keng kölemlik namayish élip bérildi. Namayishqa Shiwetsiyede yashawatqan
Uyghurlar bilen, Tibet, Mongghul qatarliq teshkilatlarning mes'ullirimu
bolup 100 din artuq adem qatnashti. Namayish Shiwetsiye Ichki Ishlar
ministerlikining tesdiqlishi bilen, Shiwetsiye parlament binasi bilen
Shiwetsiye Xan jemeti binasining ottursidiki adem eng köp ötüshüp turidighan
jayda shu yerning waqti bilen saet 15:00 din 17:00 giche élip bérildi.
Namayish mezgilide qollirigha sherqiy Türkistanning kök bayrighini kötürgen
namayishchilar ünlik shuarlar tolap:
- Hu Jin Tao dunyadiki eng chong diktatur!
- Uyghurlagha erkinlik! Tibetlikke erkinlik! Monghgullargha erkinlik!
Uyghurlargha Musteqilliq! Uyghurlargha kishilik hoquqi kérek! Uyghurlargha
démukratiye kirek! Pilanliq tughut toxtutulsun! Xitaylar Sherqiy
Turkistandin chiqip ketsun! Siyasi jinayetchiler qoyup bérilsun!
Uyghurlargha erkin yézish, erkin pikir qilish. Erkin oqush hoquqiy birilsun!
Turmidiki yazghuchi Toxti Muzad, Nurmuhemmed Yasin. Abdughini Memtimin.
Abdulla Jamal. Köresh Hüseyyinler derhal qoyup bérilsun! Rabiye qadir
perzentliri Shertsiz qoyup bérilsun! digen shuarlar tolandi we shu mezmunda
yézilghan pilakatlar sheherning kochilirigha ésildi.
Ziyaretimizni qobul qilghan Shiwetsiye Uyghur Kommutetining Reisi Abdushukur
Muhemmed we muawen Reisi Maynur xanim, ayrim –ayrim halda munularni dédi:
- Biz buqétimqi namayishni orunlashturush üchün aldin teyyarliq qilip bir
yürüsh xizmetlerni ishliduq. Hu Jin Tao ning Shiwetsiyege klidighan xewirini
Shiwetsiye gézitliridin, Tor betliridin körgendin kéyin, Xitay Reisi Xu Jin
Taogha qarshi bir bayanat élan qilduq hemde Shiwetsiye hökümet xadimlirining
Hu Jin Tao bilen körüshkende uninggha Uyghurlar heqqide gep qilishini we
bésim ishlitishini telep qilip doklat yézip her bir parlament ezalirighiche
bérishke tirishtuq, 8 - chisla Hu Jin Taoning parlament sariyida
boludighanliq xewirini anglap aldin teyyarlanghan teshweq wariqini
parlamentning kirish ishikide bir türküm pidakarlarni turghuzup kirip
chiqiwatqan parlament ezalirigha tarqattuq hetta bezi parlament ezaliri
bizning teshweq waraqlirimizgha diqqet qilmisa ularni torap qoligha
waraqchini tutquzup bu biz Uyghurning awazi! Biz Uyghurning derdi! Bu 20
milyon Sherqiy Turkstanliqning yüksek sadasi! Buni kör!- dep waqirduq.
Namayishning emili ehwali nex meydan körünüshini vedio kamerada élip Sherqiy
Türkistan Information mergezi teripidin bashquriliwatqan Uygur TV ge ewetip
bérildi.
Hu Jin Tao , Shiwetsiye Padishasi KARL GUSTAW 16 ning tekliwege binaen,
Shiwetsiyege dölet ishliri ziyaritige kelgen idi.
Qoshumche:
Shiwetsiye Uyghur kommutétining bash katiwi mundaq dedi:
- bügün biz Hu Jin Tao ning saet 12 de Shiwetsiye padisha sariyigha
kelidighanliq xewirini aldin bilgenlikimiz üchün del saet 12 de xan
sariyining aldigha barghan iduq, qolimizda Hu Jin Tao Xitaydiki eng chong
diktatur!
- Xitaylarning kishilik hoquqi depsendechilikini ghezep bilen eyipleymiz!
Digendek shuarlar yizilghan pilakat lozunkalarni kötöröp tursaq puxrache
kéyingen saqchi kélip bizni u yerdin heydidi. Men uninggha qarshilq körsötüp
u yerdin ketkili unimisam mini popoza qilip séni qamaymiz. Sen belgüligen
orunda . ruxset berilgen waqitta namayish qilmay baldur keliwapsen , dep
namayishimizning ongushluq élip bérilishigha yol qoymidi.
- Ruxset qilinghan nayish waqti toshqandin kéyin belgülep bérilgen orungha
berip namayishni bashliduq.
Bügünki namyishning heqiqiy ehwalini Shiwetsiye döletlik 4 - qanali telwuzur
pergramma qilip Shiwetsiye waqti saet 19:00 da tarqatti.
Shiwetsiyedin Abdureshid Haji Kerimi xewer qildi
|
