Shiwitsiyediki Asasliq Axbarat Wastilirida Uyghurlarning Hu Jin Taogha Qarshi Namayishi Keng Dayiride Yer Aldi

6 – ayning 7 – küni < Shiwitsiye Uyghur Komutéti > ning teshkillishi bilen, bu döwlette yashawatqan Uyghur qérindashlar Xitayning döwlet resiyi Hu jintaogha qarshi ötküzülgen birleshme namayishqa qatnashqan, namayish jeryanida Uyghurlar Shiwitsiye metbu’atlirining diqqitini alahide jelip qilghan, köpligen nopozluq axbarat wastiliri namayish meydanida Uyghur namayishchilarni ziyaret qilghan idi.

6 – ayning 8 – küni, Shiwitsiyening asasliq gézitliridin < Dagens nyheter >, < Yéngi tangliqlar téliwiziye qanili >, < P3 Radiosi > … qatarliq axbarat wastilirida bu qétimqi namayishqa we Uyghurlar mesilisige alahide yer bérildi.

Yuqarqi axbarat wastilirida, < Shiwitsiye Uyghur Komutéti > ning reyisi Abdushükür ependining töwendiki sözliri yer alghan:
< Uyghurlar Hitayning gheribi shimaligha olturaqlashqan bulup,uyghurlar oz yérini Sherqi Turkistan yaki Uyghuristan dep ataydu, Xitaylar XINJIANG (yéngi yer) dep ataydu, amma uyghurlar buni hergiz qubul qilmaydu,uyghurlar hitaylar terpidin izilwatqan bir milet bulup hazirqi ehwalini eytsaq balilar özining ana tilida ders uquyalmaydu, 18 yashtin töwenler mesjidke kirip ibadet qilalmaydu. Dimek héch bir erkinlik yoq, buningga qarshi pikirde bolghanlarni tutup turmulargha tashlaydu.
Xu Jin Tao bolsa minglighan biguna insanlarning ölishini keltürüp chiqarghan bir diktatur, shundaq iken, Shewitsiye hökümet reberliri nime üchün uning bilen kürüshidu? >.

< Yéngi tangliqlar téléviziye qanili > dimu kech saet 5:30 yérim etrapida < Shewitsiye Uyghur Kométiti > tilgha élinip turup Uyghurlar heqide 5 minutluq heber bérildi.

Hewerde Uyghurlarning insani huquqlirining depsende bolwatqaligi, hem Uyghurlarning ténichliq bilen Xitay hökümitige qarshi dunyaning her qaysi jaylirida élip bériwatqan heqani dawalirini tilga élip, bu qétimqi namayishtiki kurunushler körsütüp ötüldi.

Shewitsiyedin Shahyari