Germaniyediki G8 Bashliqliri Yighinida Hüseyin Jélil Weqesi Tilgha Élindi

BBC ning 6 – ayning 8 – küni xewer qilishiche, Germaniyeda chaqirilghan G8 bashliqliri yighinining jüme künidiki yighinigha, Xitay, Biraziliye, Hindistan, Jenobi afriqa we Meksikining döwlet rehberlirimu qatnashturulghan bolup, shu künki yighin jeryanida Kanada pirezidenti, Xitayning döwlet reyisi Hu jintaogha uyghur siyasi pa’aliyetchisi 37 yashliq Hüseyin Jélilning buyil 4 – ayda Xitay soti teripidin hökümge élan qilinghanliq weqesini alahide tilgha élip ötken we Kanada hökümitining bu mesilige köngül bölüwatqanliqini tekitligen.

Kanada pirezidenti yene Hu Jin Taogha, gerche Xitay iqtisadi jehettin tereqqi qiliwatqan bolsimu, emma demokratiye we kishilik hoqoq mesiliside Xelqaraning barghansiri zor besimigha duch kéliwatqanlini xatirlitip ötken.

Emma yuqarqi xewerde, Hu Jin Taoning Kanada pirezidentigha qandaq inkas qayturghanliqi heqqide izahat bérilmigen.

< Sherqiy Türkistan Informatsiyon Merkizi > ning pirezidenti Abdujélil Qaraqash ependi bu xewer heqqide özining qarashlirini bildürüp, < bir Uyghur siyasi tutqunnung G8 bashliqliri yighinida tilgha élinishining tarixiy ehmiyiti nahayiti zor, yighin harpisida Amérika pirezidenti Bushning milliy rehbirimiz Rabiye xanim bilen körüshkenliki we yighin jeryanida Hüseyin Jélil weqesining Kanada pirezidenti teripidin tilgha élinghanliqi hergizmu tasadipiliq emes > dep körsetti. .