Bingtuan, Buyil Sherqiy Türkistangha 671 Mingdin Artuq Ishchi Yöktesh Heqqide Xitayning Gansu Ölkisi Bilen Toxtam Tüzdi

< Xinhua axbarat aganliqi > ning 6 – ayning 7 – küni Gansuning Lanzhou shehridin bergen xewiridin melum bolushiche, shu küni Lanzhou shehride, Sherqiy Türkistandiki Bingtuan bilen Gansu ölkisi otturisida < ish küchi hemkarliq kelishimi > imzalanghan bolup, bu kélishimge asasen, buyilliq paxta mewsümide Gansu ölkisidin peqet Bingtuanning özigila 506 mingdin artuq Xitay ishlemchisi yötkep kélinidiken. Sherqiy Türkistanning yerlik orunlirigha kélidighanlarni qoshqanda Gansudin buyil kélidighan Xitay aqqunlirining omomiy sani 671 ming 200 neperge yétidiken.

2006 – yili Gansu ölkisidin bashqa ölkilerge ishlemchilikke chiqqanlarning omomiy sani 5 milyon 300 mingdin köpirek bolup, bularning ichide Sherqiy Türkistangha kelgenlerning sani 420 ming neperdin ashqan web u Xitaylar Sherqiy Türkistandin 670 milyon yuan kirim qilghan.

Yuqarqi xewerde körsütülishiche, Gansu ölkisi Sherqiy Türkistangha ishlemchi yötkesh üchün hazirdin étibaren chong seperwerlik bashlighan bolup, ölkining pütün wilayet, nahiye we sheherliride < Xinjianggha emgek küchi yötkeshke rehberlik qilish ishxanisi > qurulghan.
Qiziq yeri, Xitay hökümiti hazir < eshincha emgek küchlirini bashqa yurtlargha berip ishleshke yüzlendürüsh > digen namda Sherqiy Türkistanning yerlik xelqini bashqa yurtlargha, hetta Xitayning ichki ölkilirige sürgün qilip kelmekte.

Mesilen, < Xinjing xelq radio istansisi > ning 3 – ayning 25 – künidiki xewiride körsütülishiche, < aptonom rayonluq > emgek tarmaqliri 2007 – yili ichide Sherqiy Türkistanning yéza – qishlaqliridin 100 ming déhqanni Xitayning ichki ölkilirige ishleshke iwetishni pilan qilghan.

< Aptonom rayonluq emgek nazariti ishqa orunlashturush bashqarmisi > ning mu’awin bashliqi Wu Yün Hua bu heqte toxtulup, her derijilik emgek tarmaqlirining nöwette pütün küchini Sherqiy Türkistanning yéziliridiki éshincha emgek küchlirini Xitayning ichki ölkilirige ishleshke iwetish xizmitige qaratqanliqini, bolupmu jenoptiki Uyghur déhqanlirigha qatira Xitayche ögütüshning alahide kücheytilgenlikini, hazir köpligen déhqanlarning Xitay tili ötkülidin ötüp, en – eniwiy qarashlirini özgertip, yézisidin ayrilip Xitayning ichki ölkiliridiki sheher – yézilargha ishlep pul tépishqa bérishqa hazirliniwatqanliqini bayan qilghan.

undin bashqa yene <Xinjiang téléviziye istansisi tori> ning 4 – ayning 23 – küni xewer qilishiche, buyilning aldinqi peslide, yeni 1 – ayin 3 – ayghiche Sherqiy Türkistanning yeziliridin < éshincha emgek küchliri > digen namda bashqa yurtlargha ishlemchilikke iwetilgenlerning omomiy sani 195 ming adem qétimgha yetken bolup, Xitay hökümitining bu jehettiki yilliq pilanining 33 pirsenti orundalghan we tarixtin buyanqi eng yuquri sewiyege yetken.

Bularning ichide Xitayning ichki ölkilirige ishlemchilikke iwetilgenlerning sani 18 ming 400 neper iken. Bularning ichde peqet Qeshqer wilayitidin iwetilgenlerning sani 6044 neper iken.
Chetellik siyasi küzetküchiler we Uyghur siyasi pa’aliyetchiliri Xitay hakimiyitining yuqarqi pilanini, < Sherqiy Türkistanni Xitaylashturush we yerlik xelqni atsimilatsiye qilip yoqutush qedimini tézlitish pilanining mohim terkiwi qismidin ibaret > dep qarashmaqta.

http://www.tianshannet.com/news/content/2007-06/08/content_1966525.htm.