Shiwetsiye Köchmenler Ministirligining Ministeri Tubiyaz, SUK ni Ziyaret Qildi

<2007 - yil 6 - ayning 6 - küni SUK xewiri

Shiwetsiye Uyghur kommutétining muawen reisi Mayinur Xanim telfon ziyaritimizni qobul qilip munularni bildürdi.

Bügün Shiwetsiye köchmenler ministerligining ministeri Tubiyaz bashliq Shiwetsiye köchmenler ministerlikidiki bir bölük xadimlar hemde Shiwetsiyede pa'aliyet élip bériwatqan Türk teshkilatlirining mes'ulliri, bashqa milletlerdin terkip tapqan bir türküm xadimlar Shiwetsiye Uyghur kommutétining ishxanisigha kilip Uyghurlarning dert ehwalini anglighan.

Hazir Shiwetsiyede siyasi panaliqi hel bolmay kéliwatqan bir türküm Uyghur qérindashlar aldi 6 yil, kéyni 2 yildin béri, köchmenler idarisining tesdiqini kütüp turghan iken. Bularning mutleq köpchiliki Ottura Asiyadin kelgen Uyghur qérindashlar bolup, ularning siyasi panaliqining hel bolmasliqi, Qazaqistan Perizdenti Nur Sultan Nezerbayewning dunya kishilik hoquq Xitapnamisigha qol qoyghanliqi sewep bolsa, ikkinjidin ötken yili Ottura Asiyadin kelgen atalmish guwaliq bérish goruppisidiki ikki neper Uyghurning Qazaqestanda yashawatqan Uyghurlar Qazaq xelqighe oxshash kishilik hoquqidin toluq behrimende,- dégendek sepsetiliri iken.

Muawen reis Mayinur xanim yene mundaq dedi:
- Bu yil 5 - ayning 21 - küni Shiwetsiye Uyghur kommutéti keng- kölemlik namayish uyshturup Shiwetsiye paytexti Stockholmdiki Solna köchmenler idarisining aldida Uyghurlargha siyasi panaliq bérilsun! Uyghurlarning wetini bar, döliti yoq! Uyghurlarning kétidighan qaytish yoli yoq! dégen mezmunda namayish qilghan iken. Namayish jeryanida köchmenler idarisidin ikki neper xizmet xadimi chiqip namayishchilarning erz iltimasini qobul qilghan ieken. Bu qétim köchmenler idarisining ministeri Tubiyazning Shiwetsiye Uyghur kommutétini ziyaret qilishi shu qétimqi namayishning kuchidin bolsa kirék- dep körsetti.
- Minister Tubiyazning bu qétimqi ziyariti minister derijilik yuquri derjilik xadimalarning ikkinji qétim Shiwetsiye Uyghur kommutétini ziyaret qilshi iken.

Bu yil 2 - ayning 4 - küni Shiwersiye Uyghur kommutétining qurultiyi bolup saylamda Abdushkur reislikidiki, muawen reis Mayinur, muawen reis Ferhad, bash katip Abdushkur Samsaq bashchliqidiki yéngi rehberlik idare heyiti qurulup bir heptidin kéyin, hazirqi hakimiyet yürgüziwatqan moderatlar partiyisining bash ministeri Feredrikning ish bashqurghuchisi Sheshtin Gostad Sonlar Shiwetsiye Uyghur kommutétini ziyaret qilghan iken.

Shiwetsiyedin Abdureshid Haji Kerimi xewer qildi.