Amérika Prézidénti Jorj Bush Rabiye Xanimning Kishilik Hoquq Paaliyetlirini Medhiyilidi

2007.06.05 RFA

Amérika prézidénti Jorj Bush Rabiye xanimning kishilik hoquq paaliyetlirini medhiyilidi Photos are courtesy of UAA / Rushan
 

Gérmaniyidiki sanaetleshken 8 dölet bashliqlar yighinigha qatnishishtin burun, chix dölitini ziyaret qilghan Amérika prézidénti Bush, Chix paytexti Pragada Dunya Uyghur qurultiyi reisi Rabiye Qadir bilen körüshüp, uning Uyghur kishilik hoquqi we démokratiyisi üchün élip bériwatqan kürishini medhiyilidi.

Prézidént Bush, Pragada chaqirilghan xelqara démokratiye we bixeterlik yighinda Rabiye Qadirni alahide tilgha élip, " Rabiye Qadir bu yerde men körüshidighan yene bir öktichi zattur. Biz uning oghullirining türmige solanghanliqini uning kishilik hoquqi paaliyitidin öch élish qilmishi ikenlikige ishinimiz," dep körsetti.

Prézidént Bush yene, "Rabiye Qadirgha oxshash er we ayallar shu döletlerning zor bayliqi, shundaqla ular, qoralliq herbiy qisimliri we yer asti néfit bayliqidin qimmetliktur," dep körsitidu.

Amérika prézidénti Jorj Bushning xanimi lora Bush, Rabiye xanim, rushan abbas birge. Photos are courtesy of UAA / Rushan

Yighingha söz bérip bolghandin kéyin, prézidént Bush we ayali lora Bush, Rabiye Qadir xanim bilen ayim körüshüp, Rabiye Qadir xanimdin hal soraydu we uning Uyghurlarning insan hoquqliri üchün qiliwatqan küreshlirini medhiyileydu.