Rabiye Qadir Amerika Prézidénti Jorj Bush We Uning Xanimi Bilen Körüshti

2007.06.05 RFA

Rabiye Qadir xanim we Uyghur Amerika Birleshmisining muawin reisi Rushan Abbas, Amerika prézidénti Jorj Bush bilen söhbette. Photos are courtesy of UAA / Rushan

Rabiye Qadir xanim we Uyghur Amerika Birleshmisining muawin reisi Rushan Abbas, Amerika prézidénti Jorj Bush bilen söhbette. Photos are courtesy of UAA / Rushan

Chéx jumhuriyitide ötküzülgen dunya kishilik hoqoq we démokratiye yighinigha qatnishiwatqan Dunya Uyghur qurultéyi reisi Rabiye Qadir xanim, 5 - iyun küni shu dölette ziyarette boluwatqan Amerika prézidénti Jorj Bush we uning xanimi lora Bush bilen körüshti.

Bu Rabiye Qadir xanimning tunji qétim prézidént Bush bilen biwaste uchrishishi hésablinidu.

Rabiye xanimning bildürüshiche, bu nahayiti ehmiyetlik uchrishish bolghan bolup , prézidént Bush söhbet jeryanida Uyghurlarning kishilik hoqoq mesilisi hem démokratiye mesililiri üchün yardimini ayimaydighanliqini bildürgen.

Bushning xanimi lora xanim Washingtongha qaytqanda Rabiye xanim bilen qayta körüshüshni xalaydighanliqini qizghin keypiyatta bildürgen .

Jorj Bush Gérmaniyide ötküzülmekchi bolghan sanaetleshken sekkiz dölet yuqiri derijilik emeldarlirining 33 - nöwetlik uchrishishigha qatnishish sepiride chéx jumhuriyitide ziyarette bolmaqta idi. Dunya Uyghur qurultéyi reisi , Uyghurlarning meniwiy anisi Rabiye Qadir xanim Amerika hökümitining türtkisi hemde Amerika diplomatlirining yardimi bilen 2005 – yili 3 - ayda Xitay türmisidin azad qilinip Amerikidiki ailisi bilen jem bolghan idi.(Gülchéhre).