Bingtuanlik Xitaylarning Kishi Béshigha Toghra Kélidighan Yilliq Kirimi 5000 Yuan, Yerlik Déhqanlarning Aran 1000 Yuan

Xitay hakimiyitining Sherqiy Türkistanda yerlik milletlerni talan – taraj qilish, Xitay köchmenlirige qarita siyasi we iqtisadi jehetlerdin türlük étibar bérish siyasitini yürgüzüshi netijiside, nöwette bu rayonda Bingtuan qarmighidiki Xitay köchemnliri bilen yerlik xelq otturisidiki iqtisadi periq yildin – yilgha zoruyup, resmiy yosunda ikki qutup shekillinishke bashlidi.

Mesilen, < Tinshan toi > ning 6 – ayning 5 – künidiki xewiride körsütülishiche, hazir Bingtuan qarmighidiki Xitaylaning kishi béshigha toghra kélidighan yilliq otturiche kirimi 5000 yuange yetken bolup, 2000 – yili bolsa 2700 yuan iken. Yeni, ötken 7 yil ichide Bingtuanlik Xitaylarning kirimi bir hessige yeqin ashqan.

Hökümetning resi statiskilrida nöwette Qeshqer, Atush we Hoten rayonliridiki yerlik dehqanlarning kishi béshigha toghra kélidighan yilliq otturiche kirimi 1000 yuan etrapida bolup, 2000 – yili aran 700 – 800 yuan öp – chöriside idi.

Yuqarqi xewerde körsütülishiche, ötken yili Xitay merkizi hökümiti biwaste buyruq chüshürüp, Bingtuanning yuqurigha tapshuridighan bir milyart yuanlik ghelle – pariqini kechürüp qilghan, bu, Bingtuanning hökümetke tapshuridighan omomiy ghelle – pariqining 37 pirsentini teshkil qilidiken.

Xitay hökümiti yene ötken yildin etibaren Bingtuan qarmighidiki herqaysi Dewiziyelerning yuqurigha tapshuridighan yer bejini kechürüm qilish siyasitini yolgha qoyushqa bashlighan idi.

Del bunung eksiche, Xitay hakimiyitining yerlik xelqqe qaratqan we mustemlikichilik tüsini alghan talan – taraj qilish siyasiti üzlüksiz küchüyüp barmaqta.

Sherqiy Türkistanda Uyghurlar zich olturaqlashan jenobi rayonlarning iqtisadida hech bir ilgirlesh bolghini yoq, her derijilik hökümetlerning yerlik déhqanlargha qaratqan hashar we éghir baj – séliq siyasiti hazirmu hem eynen dawam qilmaqta.

Xitay hakimiyiti özlirining mustemlikichilik siyasitining mahiyitini yoshurush üchün Uyghurlar ichidiki derijidin tashqiri namratliq we ishsizliqning sewebini yerlik xelqning köp perzent körüshi tüpeylidin éshincha emgek küchining köpüyüp ketkenlikige döng’gep, bu rayondiki yerlik dhanlari bashqa yurtlargha sürgün qilmaqta.

Mesilen, < Xin hua axbarat tori > ning 4 – ayning 7 – künidiki bir xewiride, nöwette Qeshqer, Atush we Hoten qatarliq 3 wilayetning yézilirida bir milyondin artuq eshincha emgek küchining barliqi, bu wilayetlerning tebiy mohiti intayin nachar bolghachqa, déhqanlarning nahayiti namratliq ichide yashawatqanliqi, köpligen ayililerning kishi beshigha toghra kélidighan yilliq kirimining 1000 yuangimu barmaydighanliqi, shunga hökümet tarmaqlirining aldimizdiki 3 – 5 yil ichide bu wilayetlerdiki her bir hedqan ayilisidin bir kishining sirtqa berip ishlishini emelge ashurushni pilanlighanliqi bayan qilinghan idi.