Ürümqide Bir Uyghurning Diniy Kitaplirini Bésip Bergen 5 Neper Xitay Türlük Qamaq Jazalirigha Höküm Qilindi

< Xinjiang géziti > ning 6 – ayning 4 – künidiki xewiride körsütülishiche, 5 – ayning 23 – küni Ürümqi shehri Saybagh rayonluq sot mehkimisi höküm elan qilish yighini chaqirip, Ürümqidiki Tohti isimlik bir Uyghur teripidin zakas qilinghan < qanunsiz Diniy eserler > ni basma zawutida yoshurluqche besip bergen Yang you, Chen guang, Mi qin, He ming … qatarliq 5 neper Xitayni ayrim – ayrim halda 6, 5, 3, 2 we 1 yilliq qamaq jazalirigha höküm qilghan we iqtisadi jehettin eghir jérimane qoyghan.

Tohti isimlik Uyghurning dilosi ayrim bir terep qilinidiken. Inkaslargha qarighanda, Xitay sot mehkimiliri bu Uyghurni siyasi sewep bilen jazagha höküm qilidiken.
Emma yuqarqi xewerde, bu Uyghurgha bérilidighan jaza heqqide hech qandaq uchur bérilmigen.

Mezkur xewerdin melum bolushiche, 2006 – yili 4 – ayda Ürümqide Tohti isimlik birsi özining Xitay aghiynisi Yang yougha téléfon bérip, basturidighan bezi eserlirining barliqini we bularni basidighan zawut tepip bérishni eytqan.

Shunung bilen Yang you isimlik Xitay, basma zawuti achqan Mi qi we He ming … qatarliq Xitaylar bilen sodiliship, Uyghur yéziqidiki 4 xil kitaptin 40 ming nusxigha yeqin basurghan.

Tohti isimlik Uyghur basma heqqi üchün Xitaylargha awal 18 ming yuan tapshurghan.

Bu kitaplarning xéridari köp bolghini üchün, Tohti yene 10 ming nusxa zakas qilghan, axirqi kitaplar besilip chiqqan waqitta, bashqilarning saqchigha melum qilip qoyushi bilen, bu kitapni basqan Xitaylarning hemisi qolgha élinghan.

Yuqarqi xewerde örsütülishiche, mezkur kitaplarning hemmisila < qanunsiz diniy kitap > larmish !

Wetendin kelgen inkaslardin melum bolushiche, nöwette Xitay hakimiyiti, Qurani – kérim we Hedislernimu öz ichige alghan Diniy eserlerning hemmisini digüdek qattiq chekligechke, Sherqiy Türkistan rayonidiki qarangghu bazarda buxil kitaplarning bahasi shiddet bilen örlep ketken.