Hitay Hökümiti, Peyziwat Nahiyesining Xitay Sotchisini Tianjin Shehride Ishlewatqan Uyghur Qizlirini Nazaret Qilishqa Qoshup Iwetken

Hazirgha qeder Xitayning ichki ölkilirige iwetiliwatan Uyghur qizlirining öz railiqi bilen emes, belki her derijilik hökütlerning siyasi we iqtisadi besimi bilen mejburi iwetiliwatqanliqi we bu qizlarning Xitayda xuddi mehbuslardek qattiq nazaret astida ishlewatqanliqigha dayir köpligen inkaslar otturigha chiqqan idi, Xitay metbu’atlirida elan qilnghan bezi uchurlardinmu, yuqarqi inkaslarning neqeder toghra ikenlikini körüwélish tes emes.

Mesilen, < Xinjiang iqtisat géziti > ning 5 – ayning 29 – künidiki xewiride körsütülishiche, Xitay hökümiti, Tianjin sheherlik toqumuchiliq hessidarliq shirkitide ishlewatqan Uyghur qizliri bashqurush üchün, Peyziwat nahiyélik ottura sot mehkimisi dilo turghuzush kolligiyesining bashliqi Bian zo hung isimlik Xitay ayalni birge qoshup iwetken bolup, bu Xitay sotchi 3 yilghiche Tianjin shehride turup, buyerde ishlewatqan Uyghur qizlirini bashquridiken.
Bu sotchi Xitayning < iqtisat géziti > ning muxpirigha bildürishiche, Güzelnur memet isimlik Uyhgur qizi Tianjinge kélip bir nechche kün ötmeyla eghir keselge giripdar bolup opiratsiye qilinghan.

Yuqarqi xewerde bayan qilinishiche yene, shu zawuttiki Atikem isimlik bir qiz horunluq qilip yaxshi ishlimigenish, bu chaghda héliqi Xitay sotchi xapa bolup, < bundaq horunluq qilsang, sanga öch bolup qalimen > digenmish !

Tianjin sheherlik toqumuchiliq hessidarliq shirkitining rehberliri bu sotchi ayalning özlirige yax’shi hemkarlishiwatqanliqidin tesirlinip, < eger xalisang Tianjinde qal, seni yoldushung we balliring bilen birge orunlashturimiz > digen.

Tianjinde ishlewatqan Uyghur qizlirigha bir Xitay sotchining, yene kélip sot mehkimisi dilo turghuzush kolligiyesining bashliqining birge mesul qilip iwetilgenlikining özila, Xitayning ichki ölkiliride ishlewatqan Uyghur qizlirining echinishliq halitini munazire telep qilmaydighan halda ispatlap turmaqta.
Tianjinde ishlewatqan Uyghur qizliri heqqide Xitay Metbu’atlirida elan qilinghan bezi sanliq melumatlar töwendikiche:

1) < Xinhua axbarat tori > ning 3 – ayning 13 – künidiki xewiride körsütülishiche, Qeshqer Kona sheher nahiyedin 210 neper Uyghur qizi Tianjinge ishlemchilikke iwetilgen bolup, bular shu nahiyedin iwetilgen 5 – türkümdiki qizlardin ibaret.

2) < Ürümchi kechlik géziti > ning xewer qilishiche, 3 – ayning 18 – küni, Qeshqer wilayitining herqaysi nahiyéliridin élip kélingen 160 neper qiz Ürümchi poyez istansisidin Xitayning Tian Jin shehridiki bir zawutqa ishchiliqqa yolgha sélinghan. Bularning ichide Tashqorghan nahiyesidin kelgenler 60 neper, Qaghiliq nahiyesidin kelgenler 100 neper bolup, ular, Uyghur, Tajik we Qirghizlardin terkip tapqan iken. Yashliri bolsa 16 yashtin 22 yashqiche iken. Bu qizlar, Tian Jindiki bir zawutta 3 yilliq toxtam boyiche ishleydiken

3 ) < Xinjiang géziti > ning xewer qilishiche, 3 – ayning 20 – küni Poskam nahiyesining Yima yézisidin yene 280 neper Uyghur déhqan qizi Ürümqidin poyez bilen Xitayning Tian Jin shehrige ishleshke yolgha sélinghan.