Xitay Hakimiyiti 2010 – Yilighiche Chöchek Wilayitidiki Yerlik Charwichilarning 90 Pirsentini Yaylaqliridin Heydimekchi

Yéqinqi yillardin buyan Xitay hakimiyiti, < charwichilarni muqim olturaq rayonlirigha yerleshtürüsh > digen sho’arni kötürüp chiqip, Sherqiy Türkistanning shimali taghliq rayonlirida esirlerdin buyan charwichiliq bilen hayat kechürüp kelgen yerliklerni mejburi halda qaqas dehqanchiliq rayonlirigha yerleshtürüshke bashlidi. Ulardin boshalghn yaylaq we charwichiliq meydanliri bolsa Xitayning ichki ölkiliridiki shirket we karxanilargha, shundaqla Bingtuanning herqaysi poliklirigha bölüp bérilmekte.

Mesilen, < Chöchek geziti > ning 5 – ayning 29 – küni xewer qilishiche, Xitay hökümiti 2010 – yilining axirigha qeder bu wilayet tewesidiki taghliq charwichiliq rayonlirida yashawatqan yerlik charwichilarni mejburi halda déhqanchiliq rayonliride tesis qiliidighan we < yéngi kenit > dep atalghan kenitlerge yerleshtürüshni pilanlihan.

Xitayning bu pilanigha asasen, 16 ming 200 ayililik yerlik charwichi köchürülidiken. Her 100 ayililik charwichi bir kenit qilinidiken.

Xitay hökümiti bu namrat charwichilarning bipayan yaylaqlirini qolgha chüshürüsh üchün, pul bilen qiziqturush siyasitini yolgha qoyghan bolup, yer – ziminini tashlap köchüshke maqul bolghanlargha 4000 – 8000 yuan etrapida yardem puli taritip béridiken..