Hoten Wilayetlik Ayallar Birleshmisi, Guma Nahiyesidin Wanglequanning Yurti Shandonggha 50 Uyghur Qizi Iwetip berdi

Xitay hakimiyitining Uyghur qizlirini Xitayning ichki ölklirige mejburi ishleshke iwetish qilmishi weten ichi we sirtidiki Uyghurlarning qattiq naraziliqini qozghawatqan we Xelqaraliq kishilik hoqoq teshkilatliriningmu küchlük diqqitini jelip qiliwatqan bügünki künde, Sherqiy Türkistandiki her derijilik hokümetler Uyghur dehqan qizlirini türlük besimlar bilen Xitayning ichki ölkilirige mejburi ishlemchilikke iwetishni jiddileshtürmekte.

Xitay hakimiyitining bu herikitide, herqaysi wilayetlerdiki ayallar birleshmiliri bilen ittipaq komutetliri mohim rol oynap kelmekte.

Mesilen, < Xinjiang géziti > ning xewer qilishiche, 5 – ayning 25 – küni, Hoten wilayetlik ayallar birleshmisining teshkillishi bilen, Hotenning Guma nahiyesidin 50 neper Uyghur dehqan qizi, < aptonom rayonluq partikom > ning sekritari Wanglequanning yurti Shandong ölkisidiki bir zawutqa ishlemchilikke iwetilgen. Bular Guma nahiyesidin Xitaygha ishlemchilikke iwetilgen tunji türkümdiki qizlar bolup, toxtam boyiche Shandongda eng az 2 yil ishleydiken.

Eslide Sherqiy Türkistandiki her derijilik ayallar birleshmiliri, < ana – balilarning qanuniy heq – hoqoqlirini qoghdash > digen namda qurulghan bolup, emiliyette bolsa hökümetke biwaste qarashliq bu organ hech bir zaman özining yuqarqi fonkisiyonini ada qilghini yoq, eksiche Hökümetning yerliklerning neslini qurutuhni meqset qilghan < pilanliq tughut > siyasitige we Sherqiy Türkistan xanim – qizlirini we ösmürlirini xitaylashturush siyasitige aktip maslihip kelmkte. Shunga hazir Sherqiy Türkistanda bu atalmish < ayallar birleshmisi > ning yerlik xelq ichide qilche izzet – étibari yoq ! .