|
Öz Millitini Xorlighan Xitay Hojayinliri Uyghur Qizlirini Xorlimay Qalarmu ?
Gerche Xitayning ichki ölkilirige mejburi ishlemchilikke iwetilgen Uyghur
dehqan qizlirining Xitay xojayinliri teripidin éghir derijide
xorluniwatqanliqi, ularning xuddi qullardek keche – kündüzlep éghir jismaniy
emgekke séliniwatqanliqi, zawut we karxanilarning ichige qamilip sirtqa
erkin chiqalmay xuddi mehbuslardek hayat kechüriwatqanliqigha dayir köpligen
inkaslar otturigha chiqqan bolsimu, emma Xitay metbu’atliri del bunung
eksiche teshwiqat élip berip, ichkirige iwetilgen Uyghur qizlirining erkin –
azade mohitta rahet ichide yashawatqanliqini bayan qilip kelmekte.
Emma, Sherqiy Türkistanda yüz bergen bir weqe, Xitay hojayinlirining hetta
öz millitidin bolghanlarghimu rehim qilmaydighan yawuz qiyapitini ashkarilap
bermkte.
Mesilen, < Xinjiang xelq radio istansisi > ning 6 – ayning 2 – küni xewer
qilishiche, buyil 3 – ayning bashlirida Sherqiy Türkistandiki Niu pemililik
Xitay xojayin bilen unung qomaqchiliri Ürümqi poyez istansisigha kélip,
Xitayning Sichuan we Gansu ölkiliridin ish izdep kelgen 30 neper Xitay
aqqunini < silerni ishqa orunlashtuimiz > dep aldap Manas nahiyesidiki
özlirining xish zawutigha élip barghan.
Xitay xojayini bu 30 Xitay aqqunini zawutigha soluwélip, kéche – kündüz
ishliip pulini bermigen we ulargha xuddi jinayetchilerdek mu’amile qilip,
kaltek – toqmaq tutqan chomaqchilirini ularni küzitishke qoyghan, eger bu 30
aqqun Xitay ishta sella boshangliq qilsa, Xitay chomaqchilar ularni
kaltekleydiken.
Niu pemiliki Xitay xojayin özining bu xish zawutini resmiy türmidek qilip
yasap, etrapigha tosaqlarni bekitip, ishchilirini kéche – kündüz küzetken.
5 – aying 31 – künige kelgende bu ish pash bolup qélip, saqchilar zawutqa
basturup kélip héliqi 30 Xitay aqqunini quttuziwalghan.
Bu weqe kishilerning kallisida, < Öz millitini xorlighan Xitay hojayinliri
Uyghur qizlirini xorlimay qalarmu ? > digen so’alni peyda qilidu!.
|
