Xitayning Tianjin we Qingdao Sheherliride Ishlewatqan Uyghur Qizliri

( Yuqurdiki sürette: Xitayning Qingdao we Tianjin shehride ishlewatqan Uyghur qizliri )

Xitayning ichki ölkilirige mejburi élip ketilgen Uyghur Qizlirining éghir xorluqlargha duchar boluwatqanliqigha dayir xewerler otturigha chiqqandin buyan, Xitay hökümiti özining axbarat wastilirini seperwerlikke keltürüp, Uyghur qizlirining ichkiri ölkilerde rahet – paraghet körüwatqanliqini bolushigha teshwiq qilishqa bashlidi.

Mesilen, < Xinjiang iqtisat geziti > ning 6 – ayning 2 – küni xewer qilishiche, Xitay hökümiti bu gézitning birqanche neper Uyghur muxpirini Xitayning Tianjin we Qingdao shehrlirige iwetip, bu sheherlerdiki zawutlarda ishlewatqan Uyghur qizlirini ziyaret qildurghan.

Perizat, Buayshem, Hebibe, Aynur qatarliq Uyghur muxpirlirining Tianjin we Qingdaoda ishlewatqan yekenlik uyghur dehqan qizlirini ziyaret qilip, < Xinjiang iqtisat géziti > de élan qilghan maqalilirida, Xitay hakimiyitining Uyghur qizlirini Xitaygha ishleshke iwetish siyasiti nomussizlarche maxtap kökke kötürülgen bolup, ularning yézishiche, bu Uyghur qizliri ichkiride köp < mediniyet > ögengenmish we azade, rahet we güzel mohitta xoshal – xoram yashawatqanmish !.