Sherqiy Türkistanning Kichikkine Bir Yézisi, Xitaydiki 12 Ölke we 80 din Artuq Sheherning Nijat Yultuzigha Aylinip Qaldi

Uyhgurlarning Xitaylardin emes, belki Xitaylarning Uyghurlardin ayrilip yashiyalmaydighanliqidin ibaret bu heqiyqet asta – asta namayen boluhsqa bashlidi. Chünki bügünki künde Sherqiy Türkistanning kichikkine bir yézisimu Xitayning köpligen ölke we chong shehrlirining qutqazghuchisigha aylinip qalghan.

Mesilen, < Xitay axbarat tori > ning 6 – ayning 1 – küni élan qilghan obzorida körsütülishiche, Aqsuning Toqsu ( Shingha) nahiyésige qarashliq Yéngi mehelle tebiygaz meydani resmiy ishlepchiqirishqa kirishtürülgen bir ay ichide turobba léniyési arqiliq Xitayni 60 milyon kup / metirdin artuq tebiygaz bilen teminligen. Yéngi mehelle yézisidiki tebiygaz meydani yiligha Xitayni 15 milyart kup / métirdin artuq tebiygaz bilen teminleydiken we buyerdiki tebiygaz zapisi Xitayni 30 yil boyiche tebiygaz bilen izchil teminleshke kapaletlik qilalaydiken.

Yuqarqi xewerde körsütülishiche, Yéngi mehelle tebiygaz meydani, Xitayning 12 ölkisidiki 80 din artuq chong we ottura tiptiki sheherlerni tebiygaz bilen teminlesh wezipisini öz üstige alghan bolup, bu tebiygaz meydani buyil 5 – ayda resmiy ishlepchiqirishqa kirishtürülgen.
Undin bashqa yene ötken yilning axirigha qeder Tarim néfitlikide bayqalghan tebiygaz zapas miqdari 8400 milyart kup / metir bolup, her yili turobba léniyési arqiliq Xitayni 20 milyart kup / métir tebiygaz bilen teminleydiken.

Epsuski, bügünki künde Xitayning nijat yultuzigha aylanghan Tarim oymanliqida yashawatqan yerlik xelqning kishi béshigha toghra kélidighan yilliq kirimi aran 1000 yuan etrapida bolup, bu wadidiki Uyghurlarning mutleq köp qismi ach – yalingachliq ichide jan talashmaqta !

http://www.tianshannet.com/news/content/2007-06/01/content_1947251.htm.