|
Ürümchide Xitay Balisini Görege Éliwalghan Qaraqchilarning Hemmisi Xitay
Chiqti
( Yuqurdiki sürette: Xitay qaraqchilarning qolgha élinish jeryani )
Sherqiy Türkistanda kündin – künge köpüyiwatqan we herqandaq wehshilikni
qilishtin yanmaydighan Xitay oghri – qaraqchiliri bügünki künde hetta Xitay
köchmenlirining beshighimu bala bolushqa bashlidi.
Buyil 5 – ayning 28 – küni Ürümqide 9 yashliq Mingming isimlik bir Xitay
balisi namelum kishiler teripidin görege élinghan bolup, qaraqchilar Xitay
balining ata – anisidin 130 ming yuan neq pul telep qilghan, eger pulni
bermise balini öltüridighanliqini éytqan idi.
Ürümqidin kelgen inkaslardin melum bolushiche, Xitay saqchi dayirliri
desliwide bu weqesi siyasi arqa körünüshke ige qilip, Uyghurlardin guman
qilghan we razwitka nishanini Uyghurlargha merkezleshtürgen.
Emma qiziq yéri, Xitay balisini qachurup görege alghan 3 qaraqchining
hemmisila Xitay chiqqan.
5 – ayning 30 – küni Ürümqi shehrlik saqchi idarisi axbarat elan qilish
yighini chaqirip, Mingmingni görege alghan Li Xiaofeng, Zhao Wei, Mayü Zhung
qatarliq 3 qaraqchining qolgha chüshkenlikini bildürgen.
Yuqarqi xewerde körsütülishiche, bu 3 neper qaraqchi, Ürümqidiki bay
ayililerning balilirini görege élip, mushu yol bilen pul tepishni
pilanlighan we Ürümqidiki ikki Xitay sodigirining 9 yashliq Mingming we 15
yashliq Tuantuan isimlik ballirini qachurush nishani qilip tallighan.
5 – ayning 28 – küni etigen 9 larda bu qaraqchilar Mingming'ni mektepke
kétiwatqan yoldin bulap qechip bir xali yerge solap qoyup, unung ata –
anisidin 130 ming yuan telep qilghan, eger saqchigha melum qilgha yaki pulni
bermise balini öltürüp tashliwétidighanliqini éyiqan, emma balining dadisi
ehwalni saqchigha melum qilghan. Etisi kechqurun bu 3 qaraqchi qolgha
chüshürülgen.
|
