Atalmish < Milletler Ittipaqliqi > Nemunichiliri 

( Yuqurdiki sürette: atalmish < milletler ittipaqliqi nemunichiliri )

< Tianshan tori > ning xewer qilishiche, 5 – ay kirgendin buyan Xitay hakimiyiti teripidin Sherqiy Türkistan miqyasi boyiche daghdugha bilen élip beriliwatqan atalmish < milletler ittipaqliqi terbiyesi eyi > pa’aliyiti axirliship, bu heriket jeryanida tallap chiqilghan < nemunichilar > teqdirlengen.

5 – ayning 27 – küni, < aptonom rayon > ning qorchaq reyisi Ismayil Tiliwaldi Ürümqide, < Xinjiang boyiche milletler ittipaqliqidiki yashlar – ösmürler nemunichilar wekilliri we ülgilik 10 yash – ösmür > ni qobul qilip körüshken we teqdirligen.
Xewerde körsütülishiche, teqdirlengen yuqarqi kishiler, < milli bölgünchilik > ker qarshi turup, < wetenning birliki > ni we < Xinjiangning muqimliqi > ni qogh’dash üchün alahide töhpe qoshqanmish !

Xitay hakimiyiti, 1982 – yilidin buyan, < Henzular azsanliq milletlerin ayrilalmaydu, azsanliq milletlermu henzulardin ayrilalmaydu > deydighan < ikki ayrilalmasliq > sepsetisini kötürüp chiqip, her yili 5 – ayni atalmish < milletler ittipaqliqi terbiyesi eyi > qilip bekitip, yerlik Xelqni Xitaygha sadiq bolushqa, Xitay mustemlikisini qobul qilishqa we Xitay millitini ezizleshke qistap kelmekte.

Xitay hakimiyiti teripidin tallap chiqilip mukapatliniwatqan atalmish < milletler ittipaqliqi nemunichiliri > ning köpünchisi öz millitidin tenip ketken, Xitay hakimiyiti bilen eghiz – burun yaliship öz xelqighe zulum salghan milliy munapiqlardin ibaret !