< AIDS > Wirusi Yuqturuwalghan Ghuljuluq Yitim Balilar

( Yuqurdiki sürette: AIDS wirusini yuqturuwalghan Ghuljuluq ösmürler )

Xitay metbu’atlirida körsütülishichimu, nöwette Ghulja shehri pütün Sherqiy Türkistan boyiche AIDS wirusining tarqilishi eng köp bolghan sheherlerning biri bolup, hamildar ayallarning ichide AIDS wirusini yuqturuwalghuchilarning nisbitimu xelila yuquri.

Shunga AIDS keselliki, Ghulja Xelqini eng qattiq endishige seliwatqan mohim mesililerning birige aylinip qaldi.

< Ili géziti > ning 5 – ayning 29 – küni xewer qilishiche, mushu ayning 27 – küni Ghulja shehrining Qaradöng yezisidiki bir yeslide Ghulja shehridiki AIDS wirusini yuqturuwalghan 20 neper yitim bala bilen, sheherning bashqa rayonliridin kelgen 50 nechche neper ösmür birlikte, < 1 – iyon balilar bayrimi > ni qutluqlash pa’aliyiti ötküzgen.

Gerche yeqinqi yillardin buyan, Amerikidiki < Kellinton fonda jemiyiti > we shundaqla BDT sehiye teshkilati … qatarliq Xelqaraliq teshkilatlar, Sherqiy Türkistanda AIDS wirusining tarqilishining aldini elish xizmitige maddi we texnika jehettin biwaste yardem qilip kelgen bolsimu, emma bu yardemler jayigha ishlitilmigini, shundaqla Hökümet dayirliri bu mesilige perwasiz qarap kelgini üchün, Sherqiy Türkistanda AIDS wirusining tarqilish süriti kishini chöchütidighan derijide téz bolmaqta..