Hejdin Qaytip Kelipla Qolgha Elinghan Abdurahmanjan Ehmet Hazirghiche Ayilisidikiler Bilen Körüshtürülmidi

Abdurahman Ehmet, Ghulja shehri Qaradöng mehellisidin bolup, kespi rimotchi

U, 2006 – yili 12 kishilik bir Hajilar ömikini bashlap Saudi Erebistangha kélip hej qilip qaytishi haman, Ghuljida Xitay biheterlik tarmaqliri teripidin qolgha elinip türmige tashlanghan.

Köpchilikke melum bolghinidek, ötken qetimliq hej mezgilide, Pakistangha chiqqan bir gurup Uyghurlar Seudi erebistangha wize alalmay, Erebistan Elchixanisi aldida naraziliq namayishi ötküzgen idi.

Xitay dayirliri tuxumdin tük ündürüp, Abdurahmanjan Ehmetke, < shu qetimliq namayishni teshkilligen > digen böhtanni chaplighan we unung’gha yene, < özi bashlap chiqqan hajilardin köp heq alghan > digen gunahnimu artqan.

Emiliyette bolsa del bunung eksiche, Abdurahmanjan Ehmet özi bashlap chiqqan ömekning chiqimini azaytish üchün, ularni qimmet Mehmanxanida yatquzmay, terep – terepke chepip yürüp shexsi öy kiralap, hajilarni orunlashturup, ularni köp chiqim qilishtin saqlap qalghan.

Abdurahmanjan Emet qolgha élinghandin buyan, Xitay dayirliri uni ayilisidikiler bilen peqetla körüshtürmigen, unung dadisi Ehmet ependim bezi saqchilarni mehman qilip, balisi bilen bir qétim körüshiwelishni telep qilip yalwurghan bolsimu, emma saqchilar unung’gha, < balang bilen eng az 6 ayghiche körüshelmeysen > dep jawap bergen.

Ehmet ependi yuquri – töwen chépip derdini anglatqan bolsimu, emma unung derdini anglaydighan yer chiqmighan.