Xitay Jama’et Xewipsizlik Ministirlikining Olimpik Heqqidiki Mexpiy Uxturushida, Rabiye Qadir Qatarliq 9 Neper Uyghur Siyasi Pa’aliyetchisige Qaratqan Nazaretchilikni Kücheytish Telep Qilinghan

< Boxun axbarat tori > ning 5 – ayning 26 – küni xewer qilishiche, buyil 4 – ayning bashlirida, Xitay jama’et xeweipsizlik ministirliki, herqaysi ölke, aptonom tayon we merkezge biwaste qarashliq sheherlerning jama’et xewipsizlik idariliri we nazaretlirige, 2008 – yilliq Beijing olimpik yighinigha qatnishidighan xadimlarning arqa körünishini qattiq tekshürüsh heqqide mexpiy uxturush tarqatqan bolup, uxturushta, tekshürüsh obikti qilinghan kishiler 11 tür boyiche 43 xilgha ayrilghan. Ular, chégra ichi we sirtidiki Xitaygha qarshi düshmen küchler, düshmen teshkilatlar, idilogiye sahesidiki nuxtuluq kishilerdin ibaret iken.

Mezkur uxturushta yene, chégra ichi we sirtidiki < Sherqiy Türkistanchi 3 xil küchler > ge qaritilidighan nazaretchilikni alahide kücheytish lazimliqi tekitlengen bolup, nuxtuluq halda Rabiye Qadir, Dolqun Eysa, Dilxat Reshit, Abdujelil Qaraqash, Qehriman Ghujamberdi, Memtimin Hezret, Ablimit Tursun, Erkin Alptekin, Ömer Qanat qatarliq 9 neper Uyghur siyasi pa’aliyetchisining heriketlirini nuxtuluq küzitish we nazaret qilish telep qilinghan. .