|
Ürümqidiki Yamanliq Teghida Bashlanghan Öy Chéqish Herikitining Tunji Künide
104 Ayilining Öyi Chéqip Tahlandi
 < Tianshan tori > ning xewer qilishiche, hökümet teripidin Ürümqidiki
Yamanliq téghi ahaliler olturaq rayonida bashlitilghan öy chéqish
herikitining tunji küni bolghan 5 – ayning 24 – künining özidila 104 ayilige
tewe 287 eghiz öy chéqip tashlanghan bolup, bunung kölimi 5230 kuwadirat /
metir kélidiken.
Bu qétimqi heriket jeryanida 355 ayililikning öyliri chéqip tashlinidiken.
 Yuqarqi xewerde körsütülishiche, shu küni Hökümetning topa ittirish
mashiniliri we kiranliri bu olturaq rayonidiki Yasin Barat isimlik
Uyghurning 3 eghiz öyining aldigha kelgende, Yasin Barat chala Xitayche, <
balamning salametliki yaxshi emes, balam kesel > dep waqirashqa bashlighan.
Hökümet xadimliri kirip qarisa, Baratning öyide yengi tughulghan bir bowaq
bala yetiptu. Yasin Barat ulargha, < bir éghiz öyümni qaldurup,
qalghanlirini chéqinglar > dep yalwurghan. Öy chaqidighan ishchilar ehwalni
bashliqigha éytqan, bashliq kélip, < bir eghizni qoyup qoyup qalghinini
chaqsaq yene xeterlik, sening öyüng waqtinche turup tursun > digen,
Yasinning köngli shundila biraz aram tapqan.
 Bu mehellide yene 58 yashliq Qasim Sidiq isimlik bir Uyghur bowayning 500
yuan pul xejlep séliwalghan bir eghizliq öyi bolup, hökümet xadimliri unung
bir eghiz öyinimu chéqiwetken.
Mezkur xewerde körsütülishiche, Yamanliq teghi ahaliler rayoni 50 – yillarda
shekillengen bolup, Sherqiy türkistanning herqaysi rayonliridin kelgen
Uyghur yitimchilar bilen, Xitaydin kelgen aqqunlar olturidiken. 80 –
yillargha kelgende bu taghdiki ahalilerning sani yuquri pellige chiqqan.
|
