Hökümet Karxaniliri, < Xinjang 4 – Türmisi > diki Xitay Jinayetchiler Bilen Xizmet Toxtimi Imzalidi

( Yuqurdiki sürette: <Xinjian 4 – türmisi > diki Xitay mehbuslar )

Sherqiy Türkistanda hetta ali mektepni püttürgen Uyghurlarmu ish tapalmay jemiyette qeqindi – soqundi bolup yürgen, Uyghur qizliri türküm – kürkümlep Xitayning ichki ölkilirige mejburi malayliqqa iwetiliwatqan bügünki künde, Sherqiy Türkistandiki Xitay aqqunlirila emes, hetta türmilerde yetiwatqan Xitay jinayetchilermu hökümetning türlük imtiyazliridin we ishlesh imkanliridin behriman bolup kelmekte.

Mesilen, < Tianshan torining 5 – ayning 25 – küni xewer qilishiche, mushu ayning 24 – küni chüshtin burun, Hökümet tarmaqlirining orunlashturushi bilen 25 shirket we karxanining mesulliri Ürümqige jaylashqan < Xinjiang 4 – türmisi > ge kélip, bu türmidiki qoyup berilish aldida turghan 80 din artuq Xitay jinayetchi bilen xizmet toxtimi imzalighan.

Bu jinayetchiler qoyup berilgendin keyin, toxtamgha asasen udul berip yuqarqi shirket we karxanilarda ishqa chüshüdiken. Hetta bezi jinayetchiler eyigha 2000 ming yuan ish heqqi telep qilghan bolup, bu, Sherqiy Türkistanning Qeshqer, Hoten rayonliridiki Uyghur déhqanlirining ikki yilliq kirimi bilen teng.

Yuqarqi xewerde körsütülishiche, < Xinjian 4 – türmisi > de hazir 3000 din artuq jinayetchi bolup, hökümet terep buyerdiki Xitay jinayetchiler üchün türlük kesipler boyiche terbiyilesh kurslirini échip, ularning türmidin chiqqandin kéyin birer kesip bilen shughullinishigha sharayit yaritip beridiken.

Epsuski, Sherqiy Türkistandiki türmiler Uyghur mehbuslar, bolupmu Uyghur siyasi tutqunlar üchün bir dowzaqtin ibaret bolup, wetendin kelgen inkaslardin qarighanda, Uyghur mehbuslar türmide künige 16 – 18 sa’etlep heqsiz halda eghir jismani emgekke sélinidu, bezi mehbuslar aylap, hetta yillap kün nurini körelmeydu, Uyghur mehbuslar ichide türme saqchiliridin tayaq – toxmaq yep ölüp ketidighanlarmu az emes.eger teliyi ongdin kélip qoyup berilse, ishlesh we normal hayat kechürüsh uyaqta tursun, keynige 24 saet saqchi kiriwélip nazaret qilidu we her yili élip berilidighan < qattiq zerbe berish herikiti > jeryanida yene qayta qolgha élinip türmige tashlinidu. .