< Aptonom Rayonluq Partikom Teshwiqat Bölümi >, Siyasi we Diniy Tüsni Alghan < Qanunsiz Kitap > largha Qattiq Zerbe Berishni Telep Qildi

< Xinjiang iqtisat geziti > ning 5 – ayning 23 – küni xewer qilishiche, < aptonom rayonluq partikom teshwiqat bölümi > ning mudiri Li Qi, mushu ayning 22 – küni Ürümqide qilghan sözide, her derijilik < shehwane we qanunsiz neshir buyumlirigha zerbe bérish ish’xaniliri > din, nöwette memliket boyiche bir tutash élip beriliwatqan < shehwane neshir buyumlirigha qattiq zerbe bérish herikiti > de, Sheriy Türkistanda asasi nishanni diniy we siyasi tüsni alghan qanunsiz neshir buyumlirigha zerbe bérishke qaritishni telep qilghan.

Xitay hökümiti ilgirimu memliket boyiche bir tutash élip bériliwatqan < jinayi ishlar jinayetchilirige qattiq zerbe berish heikiti > de, Sherqiy Türkistandiki qanun orunliridin < milliy bölgünchi > we < qanunsiz diniy unsurlar > gha zerbe bérishni telep qilghan, shu seweptin, her qétimliq < qattiq zerbe berish herikiti > jeryanida köpligen Uyghurlar türlük siyasi töhmetler bilen qolgha élinip türmilerge tashlanghan, qanun tarmaqliri pütün küchini bu nuxtigha merkezleshtürgini üchün, Sherqiy Türkistanda jinayi ishlar jinayetchilirining xorigi éship, qatilliq, bulangchiliq, oghriliq we aldamchiliq heriketliri shiddet bilen bash kötergen idi.

Xitay hökümitining memliket boyiche bashlatqan, < Shehwane neshir buyumlirigha qatiq zerbe bérish herikiti > jeryanida, Sheriy Türkistandiki qanun orunliridin asasi nishanini < diniy we siyasi tüsni alghan qanunsiz neshir buyumliri > gha zerbe berishke qaritishni telep qilishi, Sherqiy Türkistanda Xitay pahishelirining xorikining téximu éshishigha we shehwane neshir buyumlirining téximu keng tarqilishigha sewepchi bolmaqta. .