|
Chengizxanning 16 Milyon Ewladi Bar
 Chetel
metbu’atlirining xewiride körsütülishiche, Asiya qit’eside yashawatqan 16
milyon erkek, bundin 800 yil burun Mongghulistanda yashighan we 100 ligen
perzenti bar Mongghul impiratori Chenggizxanning urughidin törelgen.
Rusiye bilimler akadimiyesidin Dr.Miroslava Derenko bashchiliqidiki bir
mutexesisler guruppisi bügünki Mongghulistan we unung etrapida yashawatqan
1437 neper kishi üstidin axirqi qétim DNA tekshürüshi élip barghan, netijide
ular kishini heyran qalduridighan ilmiy netijige érishken.
Tekshürüsh netijisidin qarighanda, bügün Asiya qit’eside yashawatqan 16
milyon kishining urughi peqetla bundin 800 yil burun yashighan birla kishige
mensup bolup, bu kishining 100 lerche, hetta 1000 lerche perzenti bolushi
lazim idi, shu dewirlerde bu imkaniyetke ige birla kishi bar, u bolsimu,
1165 – yili tughulup, 1227 – yili ölgen we Koriyedin Irangha qeder bipayan
zimingha ige bolghan Mongghul impiratori Chengizxan. Shunga mutexesisler,
birla uruqqa mensup bolghan 16 milyon kishining bowisining del Chengizxan
ikenlikide ortaq pikirge kelgen.
Alimlar, Chengizxan uruqining bügünki Qazaq millitide eng köp körülgenlikini
éniqlap chiqqan.
Tekshürüsh netijisidin melum bolushiche, Chengizxaning Asiya qit’esi
sirtidiki birdin – bir ewladi, hazirqi Engiliyening gherbi shimalida
yashawatan bir maliye Pirappisoridin ibaret.
|
