Yawropa Parlamenti Xitayni Dalay Lama Bilen Diyalog Ötküzüshke Chaqirdi

< Germaniye dolqunliri Radiosi > ning xewer qilishiche, ötken seyshenbe küni Yawropa parlamenti Tibet mesilisi heqqide mexsus qarar maqullap, Xitay hökümitini shertsiz halda Dalay Lamaning wekilliri bilen diyalogni yolgha qoyushqa chaqirdi.

Chaqiriqta yene, Xitay hakimiyitining 2008 – yilliq olimpik tenherket yighinini yéqinlishiwatqan shu mezgillerde, Tibet mesiliside tirishchanliq körsütüp, Dalay Lama bilen diyalogni yolgha qoyup, Tibetliklerge téximu keng diniy erkinlik we aptonomiyélik heq – hoqoqlarni berishi lazimliqi we bu arqiliq Xitayning özining xelqaradiki obrazini yax’shilishi kerekligi tekitlendi.

Yuqarqi qarar élinish harpisida, Xitayning Brükseelde turushluq wekili axbarat élan qilip, Yawropa parlamentining bu teklip lahiyesige qattiq qarshi chiqqan we Tibet mesilisining xelqaralishishigha qet’i yol qoymaydighanliqini bildürgen idi.

Téxi yéqindila Yawropa parlamentining bir qisim mesul xadimliri parlament binasida Rabiye xanim bashchiliqidiki bir türküm Uyghur wekillirini qobul qilip körüshüp, özlirining Uyghur xelqighe bolghan hésdashliqlirini ochuqche ipade qilishqan idi. .