Nursultan Nezerbayev, Qazaqistanning Menggülük Pirezidenti

Chetel metbu’atlirining xewer qilishiche, Qazaqistan parlaméntining ezaliri 5 – ayning 18 - küni bilet tashlap, prézidént Nezerbayéwning qazaqistangha menggülük prézidént bolushini maqullidi. Qazaqistan parlaméntining yuqiri palatasi bilen awam palatasining ezaliri jüme küni bilet tashlap, mutleq köp sandiki ezalarning qollap awaz bérishi astida asasi qanungha tüzütüsh kirgüzüshni we Nezerbayéwning prézidéntliq wezipisini menggülük atqurushigha qoshuldi, shundaqla qanchilik waqitqiche prézidéntliq ornida olturushni Nezerbayéwning özining belgilishige qaldurdi.

Lékin mezkur qanun lahiyisi peqet Nezerbayéw bilenla cheklinidighan bolup, Nezerbayéwdin kéyin textke olturidighan prézidéntlarni öz ichige almaydu. shundaqla Nezerbayéwdin kéyin textke olturidighan prézidéntlarning wezipe mudditi 2 qétim bilen cheklinidu. Parlamént ezaliri yene Nezerbayéw teripidin otturigha qoyulghan bezi qanun lahiyilirini maqullighan.

Bu qanun lahiyilirining biride prézidéntning wezipe mudditi 7 yildin 5 yilgha qisqartildi. Lékin mezkur qanun lahiyisi Nezerbayéwning wezipe mudditi 2012 - yili toshqandin kéyin küchke ige bolidiken. Nezerbayéw, 1989 - yilidin béri qazaqistanni idare qilip kelmekte. U, 1991 -yili sowét ittipaqi parchilanghandin kéyin, qazaqistanning musteqilliqini jakarlighan idi.

Nezerbayev, < Shanghai hemkarliq teshkilati > ning eng aktip qollighuchilirining biri bolup, Qazaqistan musteqil bolghandin buyan, Xitay bilen bolghan dostluq munasiwetlirini üzlüksiz kücheytip, Qazaqistanda pa’aliyet élip bériwatqan Uyghur teshkilatliri we Uyghur siyasi pa’aliyetchilirining Xitaygha qarshi élip bériwatqan heriketlirini mumkin bar chekleshke tiriship kelmekte.

Hazirgha qeder Qazaqistan höümiti teripidin tutqun qilinip Xitaygha ötküzüp bérilgen Uyghur siyasi qachqunlirining sanimu az emes.

Hashir Wahidi, Dilbirim Samsaqowa, Abdushükür Tewpiq … qatarliq bir türküm közge körüngen Uyghur siyasi pa’aliyetchiliri Qazaqistanda ziyankeshlikke uchrap hayatidin ayrilghan bolsimu, emma Qazaqistan hökümitining perwasizliqi tüpeylidin hazirgha qeder bu jinayi qilmishlarning tégi – tehti éniqlap chiqilghini yoq..