Rabiye Xanim Amerikidiki Ikki Chong Uniwersiteta Doklat Berdi

RFA ning xewer qilishiche, Dunya Uygur qurultiyining reisi we Uyghurlarning meniwiy anisi Rabiye qadir xanim, 5 - Ayning 15 - we 16 - Künliri, Amerikining dunyagha mesh’hur Massachusétts téxnologiye inistituti bilen Xarward uniwérsitétida oqughuchi we bezi tetqiqatchilargha Uygurlarning ehwali we Xitay hökümitining Uygur siyasiti üstide doklat bérip, mezkür ali mekteptiki proféssor, tetqiqatchi we oqughuchilarning Uygurlargha bolghan hésdashliqini qozghighan.

Rabiye qadir xanim," Xitay hökümitining Uygurlarni basturushi we ziyankeshliki" dégen témidiki nutqida, Xitay komunistik partiyisining Uygurlargha qaratqan siyasi bésimi, bolupmu maarip, din we kishilik hoquq depsendichiliklirini otturigha qoyush bilen birge, Xitay hökümitining xelqara térrorchiliqqa zerbe bérish kürishidin paydilinip, ténch yosunda öz heq - hoquqlirini qolgha keltürüsh yolida pa'aliyet élip bériwatqan Uygurlarni" térrorchi" dep eyiplishi , qolgha élishi, türmilerge tashlishi we hetta ölüm jazasi bilen qetle qilishi, eksiche bu döletning térrorluq siyasiti yürgüzüwatqanliqining ispati dep, körsetken.

Doklat bérish jeryanida Rabiye xanim, ali mektep oqughuchilirining Sherqiy Türkistan mesilisi heqqidiki türlük so’allirigha estayidil jawap bergen, Bolupmu Rabiye xanimning bu mekteplerdiki Xitay oqughuchilar teripidin soralghan so’allargha bergen keskin we otkur jawapliri, doklat anglighuchilarni alahide qiziqturghan..