< Aptonom Rayonluq Partikom > Teripidin Biwaste Qurulghan < Qosh Tilliq Yesli >

Nöwette Xitay hakimiyitining Sherqiy Türkistan xelqighe qaratqan Xitaylashturush we atsimilatsiye qilish siyasiti tarixta misli körülmigen derijide jiddi we téz sürette ijra qilinmaqta.
Bolupmu uyghur ma’aripini Xitaylashturush siyasiti, Sherqiy Türkistandiki her derijilik hökümetlerning bash wezipisi qilinghan. Hetta < aptonom rayonluq partikom > mu herqaysi yezilardiki < qosh tilliq yesli > berpa qilish xizmetlirige biwaste ariliship kelmekte.

Mesilen, < Xinjiang géziti > ning xewer qilishiche, yéqinda < aptonom rayonluq partikom teshkilat bölümi > ning biwaste yardimi bilen, Üchturpan nahiyesining Imam yezisidiki bir kenitte < qosh tilliq yesli > qurup, kenitte mektep yeshigha yeqinlashqan Uyghur ösmürlirini bu Xitayche yeslige yighiwelip terbiyileshke bashlighan we bu yeslige Ali mektepni püttürgen ikki neper oqutquchini balilargha Xitayche deris bérishke orunlashturghan..