Rabiye Xanim, < U – TV > ning Ziyaritini Qobul Qilghanda, < Méning Pütkül Hayatim Musteqilliqqe Telpünüsh Bilen Ötti > Dep Körsetti

Öz xewirimiz: Uyghur xelqining meniwiy anisi we < Dunya Uyghur Qurultiyi > ning reyisi Rabiye Qadir xanim, 5 – ayning 4 – küni Germaniyediki < Sherqiy Türkistan Informatsiyon Merkizi > teripidin tesis qilinghan < uygur – tv > ning söhbet purogrammisigha qatniship qilghan sözide, özining pütün hayatining, Sherqiy Türkistanning milliy musteqilliqighe telpünüsh bilen ötkenlikini, pütün Uyghur xelqining ortaq ghayisiningmu Xitaydin qurtulup, musteqil we hör yashashtin ibaret ikenlikini alahide eskertip ötti.

Rabiye xanim söhbet jeryanida, yéqinda bezi Xitay metbu’atlirida elan qilinghan, < Rabiye Qadir musteqilliq istimeydighanliqini bildürdi > digen mezmonda chiqqan yalghan – yawidaq xewerlerge qarita éniq pozitsiye bildürüp, < men we mening riyasetchilikimdiki Dunya Uyghur Qurultiyi, Sherqiy Türkistanning tel – töküs musteqilliqini eslige keltürüsh üchün küresh qiliwatimiz, bizning bu küresh ghayimiz we tüp meqsidimiz esla özgermeydu > dep körsetti.

Söhbetke qatnashqan < Dunya Uyghur Qurultiyi > ning bash katibi Dolqun Eysa we < Sherqiy Türkistan Informatsiyon Merkizi > ning reyisi Abdujélil Qaraqash ependilermu söz élip, Rabiye xanimning küresh meqsidi, ghayisi we iradisige bolghan ishenchilirini ipadilep ötti.

Bu heqtiki tepsili melumatni, < uygur – tv > ning kiler qétimliq söhbet purogrammisida toluq köreleysiz.