Kishilik Hoqoq Teshkilatlirining Doklatida Uyghurlar Mesilisi

RFA ning xewer qilishiche, < xelqara az sanliq milletlerning huquqini qoghdash guruppisi > bilen < Xitayda kishilik hoquq > namliq teshkilat teripidin birlikte elan qilinghan doklatta, < Xitaydiki iqtisadiy tereqqiyatlardin uyghur, tébet, mongghul qatarliq milletler menpe’etdar bolalmidi, belki ular selbiy jehettin hujumgha uchridi > dep körsütüldi.

Doklatta yene, < Uyghur, Tibet, Mongghul qatarliq milletler özlirining til we medeniyitining yoqutulush xewipige duch keldi. keng kölemlik tömür yol, tash yol qurulushliri, yerlik milletlerning iqtisadini güllendürüshni emes, belki Xitayning bashqa rayonliridiki iqtisadiy tereqqiyatning ihtiyajini qandurush üchün yerlik milletlerning tebiy bayliqlirini yötkep ketishni meqset qilghan, az sanliq millet rayonlirida künséri yaxshiliniwatqan qatnash esliheliri, Xitay armiyisining köplep kélip, yerlik milletlerning medeniyitini ajizlashturushi üchün qolayliq yaratti > dep bayan qilindi.

Yuqarqi doklatta yene, < Xitay hökümiti az sanliq milletlerni bir dölet, bir xil til, bir xil medeniyet dégen uqumni qobul qilishqa mejburlidi, buni qobul qilmighanni, milliy bölgünchi, dep eyiplep keldi > dep körsütüldi.

Doklatta yene, geche Xitay hökümiti az sanliq milletlerni qoghdashni öz ichige alghan bir qatar xelqaraliq kélishimlerge imza qoyghan bolsimu, lékin emeliyette, özi imza qoyghan kélishimlerning héchqaysigha emel qilmighanliqi bayan qilindi..