Wanglechuan, Sherqiy Türkistanning Eng Chong Kömürlikini Shandongluq Yurtdashlirigha 138 yilliq Ijarige Berdi

Nöwette < aptonom rayonluq partikom > ning bash sekritari bolup turiwatqan Wang le chuan Xitayning Shandong ölkisidin bolup, u, Sherqiy Türkistangha almiship kélishtin burun Shandong ölkisining mu’awin ölke bashliqi idi.

Wanglechuan Sherqiy Türkistangha kélip hoqoq tutqandin buyan, yer – zimin ijarige bérish, tebiy bayliqlarni echish, zawut we kan – karxana qurush … qatarliq jehetlerde aldi bilen özining yurtdashliri bolghan Shandongluqlargha ehmiyet bérip kelmekte. Shunga qaraydighan bolsingiz, nöwette Sherqiy Türkistanda ronaq tepip zoruyiwatqan Xitay karxanilirining köp qismi Shandong ölkisige tewe karxanilardin ibaret.

Mesilen, < tianshan tori > ning 4 – ayning 30 – künidiki xewiride körsütülishiche, Sherqiy Türkistandiki eng chong kömürlüklerning biri hisaplanghan Chapchal kömür meydani, Shandong ölkisidiki < Xinhui kanchiliq gurohi > gha 138 – yilliq ijarige bérilgen bolup, 4 – ayning 29 – küni Ilining Chapchal nahiyesi tewesidiki bu kömürlükning echilish murasimi ötküzülgen.

Murasimgha, Wanglechuan özi shexsen Ismayil Tiliwaldi qatarliqlarni bashlap kélip qatnashqan.

Yuqarqi xewerde körsütülishiche, Chapchal kömürkani Sherqiy Türkistan boyiche eng zor kömürkanlirining biri bolup,yilliq kömür ishlepchiqirish miqdari 10 milyon tonnigha yétidiken, kanning igelligen dayirisi 118 kuwadirat kilométir kélidiken, bu kann resmiy ishlepchiqirishqa kirishkendin kéyin, unung yilliq kirimi 1 milyart 450 milyon yuange yétidiken.

Xitay hökümiti ötkende, < bixeterlikke kapaletlik qilish > digen nam bilen, Sherqiy Türkistanda yerlikler teripidin ishlitilip kéliniwatqan köpligen kichik tiptiki kömür kanlirini mejburi taqiwetken idi.

Sherqiy Türkistan bolsa kömürning makani bolup, pütün Xitay boyiche ishlepchiqiriliwatqan kömür miqdarining 40 pirsentidin köpirekini teshkil qilidu, epsuski nöwette Sherqiy Türkistanning köpligen jayliridiki yerlik xelq kömür alidighan puli yoq, hazirmu hem otunni yeqilghu qilip kelmekte..