Sherqiy Türkistanning Yéziliridiki Xitayche Yesliler

( Töwendiki sürette: Üchturpan nahiyesining Imam yézisidiki < qosh tilliq yesli > )

Xitay hakimiyiti, Sherqiy Türkistanning milliy ma’aripini Xitaylashturush qedimini zetlitish üchün, Uyghurlar zich olturaqlashqan Jenobi rayonlarning yéza – qishlaqliridiki atalmish < qosh tilliq yesli > dep atalghan Xitayche yeslilerning sanini jiddi türde köpeytmekte.

Nöwette Sherqiy Türkistandiki ottura – bashlanghuch mekteplerde tesis qilinghan < qosh tilliq oqutushz > siniplirining omomiy sani 5000 gha, unungda oquwatqan oqughuchilarning sani bolsa 150 minggha yetti.

Xitay hökümiti yene 2010 – yiligha qeder < qosh tilliq oqutush > siniplirida oquydighan oqughuchilarning sanini 258 minggha yetküzüshni pilanlimaqta.

Xitay hökümiti ottura – bashlanghuch mekteplerdiki < qosh tilliq oqutush sinipliri > gha mas halda, kelgüsi 5 yil ichide, Sherqiy Türkistanning uyghurlar bir qeder zich olturaqlashqan Aqsu, Qeshqer, Atush we Hoten rayonliridiki 56 nahiyede 430 milyon yuan meblegh sélip, yerlik ösmürler üchün 1000 din artuq Xitayche yesli qurushni emelge ashurush üchün tirishmaqta..