Buyilliq < Milletler Ittipaqliqi Éyi > Herikitining Asasi Mezmoni, < 3 ke Sadiq Bolush > tin Ibaret

Xitay hakimiyiti bundin 25 yil burun, < Azsanliq milletler Xenzulardin ayrilalmaydu, Xenzularmu azsanliq milletlerdin ayrilalmaydu > digen < ikki ayrilalmasliq > sepsetisini toqup chiqip, her yili 5 – ayni, < milletler ittipaqliqi éyi > dep bekitip, özlirining Sherqiy Türkistan xelqighe zorlap tangghan yuqarqi sepsetisini teshwiq we terghip qilip kelgen idi.

Emma, Xitay hakimiyiti, < milletler ittipaqliqi > dep towlighansiri, Sherqiy Türkistanda yerlikler bilen Xitay köchmenliri otturisidiki ziddiyet we ixtilaplar shunche küchüyüp barmaqta. Sewebi, birsi mustemlike qilghuchi millet, yene biri mustemlikige uchrughichi millet bolghini üchün, huddi ot bilen su birlishelmiginidek, Sherqiy Türkistan xelqi bilen Xitay köchmenlirining ittipaqlishishimu esla mumkin bolmighan quruq Xiyaldin ibaret idi, emma Xitay mustemlikichiliri bu axmiqane xiyalidin waz kechkini yoq.

< Xinjing géziti > ning 4 – ayning 28 – küni xewer qilishiche, buyilliq < milletler ittipaqliqi éyi > pa’aliyitining asasi mezmoni, < 3 ke sadiq bolush >, yeni, < Kompartiyeni söyüsh, Xitay döwlitini söyüsh we sotsiyalizimni söyüsh > tin ibaret iken.

4 – ayning 27 – küni Ürümqide, < 25 – nöwetlik milletler ittipaqliqi éyi terbiyesi pa’aliyiti > boyiche seperwerlik yighini chaqirilip, bu pa’aliyetning resmiy bashlanghanliqi jakalanghan.

Shu kündin étibaren herqaysi idare – jemiyet, zawut we kan – karxanilar, mektepler, shundaqla wilayet, nahiye we yéziliq hökümetler < 3 ke sadiq bolushqa qesem qilish > herikitini bashlap, yashlarni, bolupmu yerlik xelqni Xitayning döwlet bayriqi astida turup, yuqurida tilgha élip ötülgen 3 nersige sadiq bolush heqqide yuquri awaz bilen qesem bérishke qistashqa bashlighan.